दृश्यम स्टाइल मर्डर! प्रियकराने विवाहित प्रेयसीला तीन फूट खड्ड्यात गाडलं, वरून सीमेंट टाकलं आणि....

अजय देवगनच्या 'दृश्यम' सिनेमात असाच एक सीन होता. यात हिरो पोलीस स्टेशनमध्येच एका मृतदेह गाडतो.

मध्यप्रदेशच्या खरगोनमधून एक धक्कादायक हत्याकांड समोर आलं आहे. इथे एका संतोष नावाच्या प्रियकराने त्याच्या विवाहित प्रेयसी छाया बाईची हत्या करून तिला आपल्या नव्या घरात गाडलं आणि वरून सीमेंटने प्लास्टर केलं. अजय देवगनच्या 'दृश्यम' सिनेमात असाच एक सीन होता. यात हिरो पोलीस स्टेशनमध्येच एका मृतदेह गाडतो.

आजतकने दिलेल्या वृत्तानुसार, छाया बाई ही काही दिवसांपासून वडिलांच्या घरी मोहनखेडी गावात रहायला आली होती. पण ३० डिसेंबरला अचानक ती वडिलांच्या घरून गायब झाली. ३ जानेवारीला परिवारातील लोकांनी भीकनगांव पोलीस स्टेशनमध्ये याबाबत माहिती दिली.

महिला गावातून गायब होण्यासोबतच तिचा प्रियकर संतोषही गावातून गायब झाला होता. गावातील लोकांनी आणि पोलिसांनी अंदाज लावला की, दोघे गाव सोडून पळाले असतील. सोबतच संतोषचे वडील किशोरही गावातून गायब होते. महिलेच्या परिवारातील लोकांनी शंका व्यक्ती केली की, संतोषणे तिला आपल्या नव्या घरात कैद करून ठेवले असेल. पोलिसांनी चौकशी केली पण काही पुरावा मिळाला नाही.

२६ जानेवारीला आजूबाजूच्या लोकांना संतोषच्या घरातून दुर्गंधी येऊ लागली होती. याची माहिती पोलिसांना देण्यात आली. पोलिसांनी घराचं लॉक तोडून चेक केलं. पण घर रिकामं होतं. खाली सीमेंटने प्लास्टर केलं होतं. ते खोदून काढलं तर महिलेच्या बांगड्या आणि कानातले दिसले. आणखी तीन फूट खोदलं तर छायाचा मृतदेह दिसला. त्यतूनच ही दुर्गंधी येत होती.

एसडीओपी प्रवीण कुमार म्हणाले की, एफएसएल टीम बोलवून महिलेचा मृतदेह पोस्टमार्टेमसाठी पाठवण्यात आला आहे. केस दाखल करून या प्रकरणाची गंभीरतेने चौकशी आहे. संतोष आणि त्याचे वडील अजूनही फरार आहेत.