पाटणामध्ये एक धक्कादायक घटना समोर आली आहे, प्रेयसीवर घराबाहेर गोळ्या झाडणारा प्रियकर एका मुलाचा बाप आहे. पोलिसांनी आरोपी प्रियकराला 12 तासांच्या आत पिस्तुल आणि दोन काडतुसांसह अटक केली. पाटणाच्या आलमगंज पोलीस स्टेशन परिसरातून ही अटक करण्यात आली आहे. आरोपी अभिषेक कुमार हा विवाहित असल्याचे पोलिसांनी स्पष्ट केले. त्याला तीन वर्षांचा मुलगाही आहे.
पोलिसांनी आरोपी प्रियकराला अटक करून जेलमध्ये पाठवले आहे. हे प्रकरण कंकरबाग पोलीस ठाण्याच्या हद्दीतील अशोक नगर भागातील आहे. येथे शुक्रवारी किराणा सामान आणण्यासाठी जात असलेल्या 15 वर्षीय अल्पवयीन मुलीवर तिचा 20 ते 22 वयोगटातील प्रियकर अभिषेक याने भरदिवसा गोळ्या झाडल्या. गोळीबाराचे कारणही पोलिसांनी उघड केले आहे. गेल्या एक आठवड्यापासून मैत्रिणीने बोलणे बंद केले होते. हे प्रियकराला त्रासदायक होते. त्याने भरदिवसा रस्त्यात गोळ्या झाडल्या.
गोळी मुलीच्या हाताला लागली. यामुळे ती थोडक्यात बचावली. सध्या तिची प्रकृती सुधारत आहे. आरोपी प्रियकर वर्षभरापूर्वी फेसबुकवर अल्पवयीन प्रेयसीच्या प्रेमात पडला होता. दोघांच्याही नातेवाईकांना त्यांच्या प्रेमाची कल्पना आली होती. हे पाहून दोघांच्या नातेवाईकांनी लग्नाला संमती दिली होती. मात्र अचानक मुलीच्या कुटुंबीयांना मुलावर संशय आला. मुलीने बोलण्यास नकार दिला. यामुळे प्रियकर संतापला.
प्रियकराने प्रेयसीला सांगितले की, तू माझी झाली नाहीस तर मी तुला दुसऱ्याची होऊ देणार नाही. मैत्रिणीवर गोळ्या झाडल्या. गोळी मुलीच्या हाताला लागली आणि ती थोडक्यात बचावली. त्याचबरोबर आरोपींकडून जप्त करण्यात आलेले हत्याराचा तपास सुरू आहे. आरोपींकडे शस्त्र कुठून आले? पोलीस तपास करत आहे. सध्या आरोपी अभिषेकची तुरुंगात रवानगी करण्यात आली आहे. एका हिंदी वेबसाईटने याबाबतचे वृत्त दिले आहे.