पालघर - प्रेम प्रकरणातून जम्मू काश्मीर मधून पळून आलेल्या आणि पालघर मध्ये वास्तव्यास असलेल्या प्रेमी युगुलाचा शोध घेण्यास पालघर-काश्मीर पोलिसांच्या टीम ला यश आले.अल्पवयीन मुलीच्या अपहरणाचा गुन्हा दाखल झाल्यानंतर आरोपी जुल्फिकार मोहमद सादिक खटाना(वय २२वर्ष) ह्याला काश्मीर पोलिसांनी ताब्यात घेतले.
जम्मू-काश्मिर च्या राजौरी पोलीस ठाण्यातर्गत असलेल्या एका गावात राहणाऱ्या आरोपी तरुण जुल्फिकार ह्याचे आपल्या जवळच राहत असलेल्या अल्पवयीन प्रेयसी सोबत प्रेमसंबंध जुळले.ह्या प्रेम संबंधाला विरोध होऊ लागल्या नंतर प्रेमात आकंठ बुडालेल्या ह्या युगुलानी जम्मू-काश्मीर मधून पळ काढला.ह्या प्रकरणी ५ मार्च रोजी राजौरी पोलीस ठाण्यात अपहरणाचा गुन्हा दाखल झाला.राजौरी पोलिसांनी आरोपीच्या मोबाईल चे लोकेशन ट्रेस केल्यावर ते विविध भागात आढळून येत होते.पोलिसांनी ह्याचा तपास सुरूच ठेवल्या नंतर आरोपीने आपला मोबाईल स्विच ऑफ करून ठेवल्याने अनेक दिवस त्याचा शोधच लागत न्हवता.मात्र काही दिवसानंतर आरोपी तरुणाने आपला बंद ठेवलेला मोबाईल सुरू केल्यावर त्यावर तरुणांचे लोकेशन जोगेश्वरी,मुंबई आढळून आले.
पोलिसांनी अधिक शोध घेतला असता जुल्फिकार ह्याच्या ओळखीच्या व्यक्तीकडे जोगेश्वरी मध्ये राहत असल्याचे कळल्यावर राजौरी पोलिसांनी जुल्फिकार ह्यांच्याशी संपर्क साधत कुठेही जाऊ नकोस आम्ही आपणास न्यायला येतो असे कळवले.आपणास पोलीस पकडतील ह्या भीतीने त्या प्रेमी युगुलाने जोगेश्वरी मधून पळ काढला.त्यांनी लोकल पकडून सरळ पालघर गाठीत नवलीच्या विष्णू नगर मधील एक रूम भाड्याने घेतली.मागील ८-१० दिवस ते पालघर मध्ये राहिल्या नंतर पालघर पोलीस ठाण्याचे पोलीस नाईक रमेश पालवे आणि महिला पोलिस कदम ह्यांच्या मदतीने राजौरी पोलिसांनी ह्या युगुलाला ताब्यात घेतले.एका अल्पवयीन मुलीचे अपहरण केल्या प्रकरणी राजौरी पोलीस ठाण्यात अपहरणाचा गुन्हा दाखल झाला असून शुक्रवार ह्या दोघांना घेऊन राजौरी पोलीस जम्मू-काशीर कडे रवाना झाले.