नात्याला काळीमा! 'बाबांनीच आईला खूप मारलं'; 3 वर्षांच्या चिमुकल्याने सांगितलं नेमकं काय घडलं? 

Crime News : महिलेच्या हत्येचा तपास पोलीस करत असताना तीन वर्षांच्या मुलाने आपल्या आईसोबत काय घडलं, याची माहिती पोलिसांना दिली आणि आरोपीला शोधण्यात पोलिसांना यश आलं. 

नवी दिल्ली - देशात अनेक धक्कादायक घटना समोर येत आहेत. अशीच एक भयंकर घटना आता समोर आली आहे. एका व्यक्तीने आपल्या पत्नीची हत्या केली आहे. तीन वर्षांच्या चिमुकल्याच्या डोळ्यासमोर हा धक्कादायक प्रकार घडला आहे. त्यानेच नेमक काय घडलं याची माहिती पोलिसांना दिली आहे. मध्य प्रदेशच्या इंदूरमध्ये नात्याला काळीमा फासणारी ही घटना घडली आहे. एका महिलेच्या हत्येचा तपास पोलीस करत असताना या तीन वर्षांच्या मुलाने आपल्या आईसोबत काय घडलं, याची माहिती पोलिसांना दिली आणि आरोपीला शोधण्यात पोलिसांना यश आलं. 

तीन वर्षांच्या छोट्या मुलाने दिलेल्या माहितीवरून पोलिसांनी हत्येचा सुगावा लावला आहे. तपासादरम्यान, हत्या झालेल्या महिलेच्या मुलाशी पोलीस बोलले तेव्हा त्याने पोलिसांना याबाबत माहिती दिली. आपल्या वडिलांनीच आईला मारल्याचं म्हटलं आहे. जेवण चांगलं का बनवत नाहीस, असं विचारत वडील आपल्या आईला काठीने मारत होते. खूप वेळ वडिलांनी आईला काठीने बेदम मारहाण केल्यामुळे आई खाली पडली. आईला डॉक्टरकडे देखील नेलं नाही अशी माहिती मुलाने पोलिसांना दिली. 

CoronaVirus Live Updates : ...अन् हसतं-खेळतं घर उद्ध्वस्त झालं! कोरोनामुळे आई-वडिलांचं छत्र हरपलं; दोन मुलं झाली अनाथ#coronavirus#CoronavirusIndiahttps://t.co/SnTVE3EQOt

— Lokmat (@MiLOKMAT) September 18, 2021

तीन वर्षांच्या चिमुकल्यामुळे लागला हत्येचा सुगावा

मिळालेल्या माहितीनुसार, इंदूरमध्ये यशोदा आणि विनोद लोहा हे दांपत्य राहत होतं. गेल्या काही दिवसांपासून त्यांच्यामध्ये सतत भांडणं होत होती. पतीने आपल्याला जीवे मारण्याची धमकी दिल्याची माहितीही यशोदाने आपल्या घरच्यांना दिली होती. सतत जीवे मारण्याची धमकी देणं, मारहाण करणं असे प्रकार होत होते. नीट स्वयंपाक करत नसल्याच्या कारणावरून भांडण झाल्यानंतर पतीने यशोदाला बेदम मारहाण केली. पाईप आणि काठीने बेदम मारहाण करताना यशोदाचा मृत्यू झाला. याप्रकरणी पतीला अटक करण्यात आली असून पोलीस अधिक तपास करत आहेत. एका हिंदी वेबसाईटने याबाबतचे वृत्त दिले आहे. 

कोरोना लस घेतली नाही म्हणून वीज, पाणी कनेक्शन कापलं, रेशनकार्ड घेतलं; कुटुंबीयांचा गंभीर आरोप#CoronavirusUpdates#Corona#coronavaccinationhttps://t.co/mw0266XUpI

— Lokmat (@MiLOKMAT) September 18, 2021

हृदयद्रावक! कोरोनामुळे पतीचा मृत्यू; विरह सहन न झाल्याने पत्नीची गळफास घेऊन आत्महत्या

हसतं-खेळतं कुटुंब कोरोनामुळे उद्ध्वस्त झालं आहे. कोरोनामुळे पतीचा मृत्यू झाला. हा धक्का सहन न झाल्याने पत्नीने देखील आत्महत्या केल्याची भयंकर घटना घडली आहे. कोरोनामुळे एका व्यक्तीचा मृत्यू झाला. मात्र पतीच्या मृत्यूचा धक्का सहन न झाल्याने नैराश्यात असलेल्या पत्नीने गळफास घेऊन आत्महत्या केल्याची मन हेलावून टाकणारी घटना समोर आली आहे. मिळालेल्या माहितीनुसार, दीपा सक्सेना असं या महिलेचं नाव असून तिचे पती सुदेश सक्सेना यांचा काही दिवसांपूर्वी कोरोनामुळे मृत्यू झाला. पतीच्या मृत्यूनंतर दीपा अत्यंत दु:खी झाली होती. सकाळी खूप वेळ झाला तरी दीपा आपल्या खोलीतून बाहेर न आल्याने कुटुंबीयांनी तिच्या खोलीचा दरवाजा उघडला. खोलीचा दरवाजा उघडताच कुटुंबीयांना मोठा धक्का बसला. दीपा गळफास घेतलेल्या अवस्थेत आढळून आली. नातेवाईकांनी लगेचच पोलिसांना या धक्कादायक घटनेची माहिती दिली. 

तरुणीची छेड काढणं पडलं चांगलंच महागात; पोलिसांनी रोडरोमिओंना टाकलं थेट तुरुंगात https://t.co/1fDx5kNC1Z

— Lokmat (@MiLOKMAT) September 18, 2021