दिल्लीतील प्रीत विहार परिसरातून एक धक्कादायक घटना समोर आली आहे. तरुणीला कारमध्ये नेऊन सामूहिक बलात्कार केल्याची खळबळजनक घटना समोर आली आहे. पलवल मार्गावर कार नेण्यात आली. वाटेतच तरुणीवर बलात्कार झाला. यावेळी तरुणीने विरोध केल्यानंतर पिस्तुलच्या धाक दाखवण्यात आला.त्यानंतर रात्री साडेअकरा वाजता निर्जनस्थळी असलेल्या झुडपात ढकलून आरोपींनी पलायन केले.
पीडितेने ट्रक चालकाच्या मदतीने दिल्ली गाठली. प्रीती विहार पोलीस ठाण्याच्या पोलिसांनी या प्रकरणी सामूहिक बलात्कार आणि इतर कलमांतर्गत गुन्हा दाखल केला आहे. छापा टाकून दोन्ही आरोपींना अटक करण्यात आली.
कुत्र्यांच्या भांडणावरून माणसांमध्ये बेल्टने हाणामारी; पुणे विद्यापीठातील खळबळजनक घटना
पोलिसांनी दिलेली माहिती अशी की, 26 वर्षीय तरुणी मयूर विहार फेज-3 मध्ये आपल्या कुटुंबासोबत राहते. पीडितेने पोलीस ठाण्यात तक्रार दिली. ती एका खासगी कंपनीत टेलिकॉलिंगची नोकरी करते. 2017 मध्ये तिचे लग्न झाले होते. लग्नाच्या 15 दिवसांनंतरच तिचे लग्न तुटले. यानंतर पीडितेने लग्नाच्या वेबसाइटवर तिचे प्रोफाईल आणि आयडी तयार केला. त्याच साईटवर तिची एका मुलाशी ओळख झाली.
12 डिसेंबर रोजी त्याच मुलाने तिच्याशी संपर्क साधला. दुसऱ्या दिवशी 13 डिसेंबरला पुन्हा त्या मुलाचा फोन आला. त्याच्या वारंवार सांगण्यावरून ती निर्माण विहार रेडलाइट येथील ज्यूसच्या दुकानाजवळ त्याला भेटण्यासाठी गेली होती. हा तरुण कारमध्ये मित्राला भेटायला आला होता. काही बोलण्याच्या बहाण्याने त्याने मला कारमध्ये बसवले, वाटेत बोलू लागला. यानंतर तो तिला कॅनॉट प्लेसमध्ये घेऊन गेला. जिथे सर्वांनी रेस्टॉरंटमध्ये जेवण केले. त्या तरुणासोबत त्याचा मित्र कारमध्ये होता. यानंतर कार पलवलच्या दिशेने नेण्यात आली. रात्री मुलाने कारच्या मागच्या सीटवर पिस्तुल दाखवून तिच्यावर बलात्कार केल्याचा आरोप पीडितेने केला आहे.
आरोपीने तरुणीला मारहाण केली. आरडाओरडानंतर आरोपींनी रात्री 11.30 च्या सुमारास कारमधून ढकलून झाडीत फेकून दिले. यानंतर पीडितेने ट्रकचालकाच्या मदतीने रात्री दिल्ली गाठली. प्रीत विहार पोलीस ठाण्याच्या पोलिसांनी पीडितेचे मेडिकल केले. तिच्या जबानीवरून सामूहिक बलात्काराचा गुन्हा दाखल करण्यात आला. पोलिसांनी दीपक आणि त्याच्या मित्राला अटक केली आहे.