महिलेचा मृतदेह खांद्यावर घेऊन फिरणारी व्यक्ती सीसीटीव्हीत कैद, जाणून घ्या काय आहे प्रकरण

Madhya Pradesh Crime News : ही घटना सिटी कोतवाली भागातील छै घरा परिसरातील असल्याचं माहीत आहे. इथेच एका अज्ञात महिलेचा मृतदेह एका ऑटोरिक्षात आढळून आला.

मध्य प्रदेशच्या (Madhya Pradesh Crime News) अशोकनगर जिल्ह्यातून एक खळबळजनक घटना समोर आली आहे. इथे एक व्यक्ती एका महिलेचा मृतदेह आपल्या खांद्यावर घेऊन बराच वेळ शहरात फिरत होता. त्याहूनही धक्कादायक बाब म्हणजे याच महिलेचा मृतदेह नंतर शहरातील एक ऑटोरिक्षात आढळून आला. पोलीस या प्रकरणाची चौकशी करत आहेत.

ही घटना सिटी कोतवाली भागातील छै घरा परिसरातील असल्याचं माहीत आहे. इथेच एका अज्ञात महिलेचा मृतदेह एका ऑटोरिक्षात आढळून आला. महिलेचे अस्ता-व्यस्त कपडे पाहून पोलिसांनी शंका व्यक्त केली की महिलेवर बलात्कार झाला असेल. शहरात मृत महिलेचा मृतदेह खांद्यावर घेऊन फिरणाऱ्या व्यक्तीला बघण्यात आलं आहे. मृतदेह घेऊन फिरत असलेल्या व्यक्तीचं सीसीटीव्ही फुटेज समोर आलं आहे. पोलीस या प्रकरणाची चौकशी करत आहे.

एका अज्ञात महिेलेचा मृतदेह अशाप्रकारे ऑटोरिक्षात सापडल्याने शहरात एकच खळबळ उडाली आहे. लोकांनीच पोलिसांना याची माहिती दिली. त्यानंतर पोलीस घटनास्थळी पोहोचले. त्यांनी शहरातील वेगवेगळे सीसीटीव्ही फुटेज चेक केले. त्यानंतर ते शहरात त्या व्यक्तीचा शोध घेत आहेत. ते परिसरातील घरोघरी जाऊन लोकांची चौकशी करत आहेत.