तरूणीने केला एका मुलीवर रेप, सिनेमात काम देण्याचं आमिष दाखवून आणलं होतं पळवून

UP Crime News : पीडितेने पोलिसांना सांगितलं की, दोन महिन्यांआधी फेसबुकच्या माध्यमातून तिची मैत्री एका तरूणीसोबत झाली. दोघीही फेसबुकवर चॅटींग करत होत्या.

UP Crime News : उत्तर प्रदेशच्या गोरखपूरमधून लव्ह, सेक्स आणि धोक्याची एक हैराण करणारी घटना समोर आली आहे. इथे एका मुलीने दुसऱ्या मुलीवर रेप केला. आरोपी तरूणी एका अल्पवयीन मुलीला सिनेमात काम देण्याचं आमिष दाखवून तिला आपल्यासोबत ग्वाल्हेरला घेऊन गेली आणि तिथे तिला 10 दिवस बंदी बनवून तिच्यासोबत दुष्कर्म केलं. पोलिसांनी आरोपी तरूणीला अटक केली असून पुढील चौकशी करत आहेत.

गोरखपूर जनपदला राहणारी पीडिता 10 वी पास आहे. तर आरोपी तरूणी ग्वाल्हेरची राहणारी आहे. पीडितेने पोलिसांना सांगितलं की, दोन महिन्यांआधी फेसबुकच्या माध्यमातून तिची मैत्री एका तरूणीसोबत झाली. दोघीही फेसबुकवर चॅटींग करत होत्या. फेसबुक फ्रेन्डने तिला श्रीमंत बनवण्याचं आणि सिनेमात काम देण्याचं आमिष दाखवलं. पीडित मुलीने तिच्यावर विश्वास ठेवला.

पीडिता ग्वाल्हेरला पोहोचताच तिला समजलं की, तिची फेसबुक फ्रेन्ड एक मोठी गॅंग चालवते आणि अल्पवयीन मुलींना फसवून त्यांच्यावर अत्याचार करते. पैसे कमावण्यासाठी अनेक बेकायदेशीर कामं करते.

पीडितेने सांगितलं की, आरोपी तरूणी तिला तिच्या अनेक मित्रांजवळ पाठवत होती. यादरम्यान तिने कसातरी आपल्या मावशीला फोन केला आणि तिच्यासोबत घडलेला सगळा प्रकार सांगितला. याप्रकरणी पोलीस अधिकारी विकास मिश्रा यांनी सांगितलं की, मुलीच्या आजीने त्यांना दोन नंबर दिले. जे सर्व्हिलांसवर लावण्यात आले. लोकेशन ट्रेस झाल्यावर पोलीस ग्वाल्हेरला पोहोचले. आरोपी तरूणी प्रियंकाला अटक करण्यात आली. 

सोबतच पीडितेने ग्वाल्हेरमध्ये एक टीआय केएन त्रिपाठीवरही छेडछाड केल्याचा आरोप लावला. ज्याची चौकशी सुरू आहे. पोलिसांनी याप्रकरणी 21 जून रोजी मुलीच्या अपहरणाचा गुन्हा दाखल केला. पीडितेला बाल कल्याण समितीवर पाठवलं.

ग्वाल्हेरच्या लोकांनी पोलिसांना सांगितलं की, आरोपी महिला आपला जेंडर लपवून मुलींना आपल्या जाळ्यात अडकवत होती. ती त्यांच्यासोबत संबंध ठेवत होती. नंतर व्हिडीओ बनवून विकत होती. या मुलींकडूनच ती पैसे मागायची. पीडितेच्या तक्रारीवर पोलीस चौकशी करत आहेत.