ग्वाल्हेरच्या घरातून महिलांच्या अंडरगारमेंट्सची होत आहे चोरी, आरोपी सीसीटीव्ही कॅमेरात कैद

Undergarments stolen : गेल्या काही दिवसांपासून ग्वाल्हेरमध्ये अशा अनेक घटना समोर येत आहेत. मात्र लोक लाजेमुळे किंवा पुरावा नसल्याने पोलिसांकडे जात नव्हते.

Madhya Pradesh: मध्य प्रदेशच्या ग्वाल्हेरमध्ये एका अंडरगारमेंट्स चोराने जगणं मुश्किल केलं आहे. हा चोर अर्ध्या रात्री छतावर किंवा पाइच्या मदतीने घरात एन्ट्री करतो. बाहेर दोरीवर किंवा तारांवर वाळत घातलेले अंडरगारमेंट्स चोरी करतो. गेल्या काही दिवसांपासून ग्वाल्हेरमध्ये अशा अनेक घटना समोर येत आहेत. मात्र लोक लाजेमुळे किंवा पुरावा नसल्याने पोलिसांकडे जात नव्हते.

अशात जेव्हा चोर सीसीटीव्हीत कैद झाला तेव्हा एका परिवाराने पोलिसात एफआयआर दाखल केली. दैनिक भास्करच्या वृत्तानुसार, गोसपुरा भागातील एका घरात अर्ध्या रात्री चोर शिरले आणि कुर्त्याच्या खिशातील 500 रूपयांसोबतच ते महिलांचे अंडरगारमेंट्सही घेऊन गेले.

तेच मकान मालकाने सकाळी घरासमोरील सीसीटीव्ही फुटेज चेक केलं आणि बघितलं तर त्यात एक तरूण घरात शिरताना दिसला. काही वेळाने तो अंडरगारमेंट्स घेऊन दिसला. ग्वाल्हेरच्या या भागातील लोक या चोरामुळे हैराण झाले आहेत. चोर वाळत घातलेले महिलांचे अंडरगारमेंट्स अंगणातून, घरातून, बाल्कनीतून आणि छतावरून चोरी करतो.

मात्र, महिला याप्रकरणी तक्रार करण्यासाठी पोलीस स्टेशनमध्ये जात नाहीत. याची दोन कारणे आहेत. एक तर अंडरगारमेंट्च्या चोरी तक्रार देण्यात महिलांना विचित्र वाटतं आणि दुसरं कारण म्हणजे तक्रार करण्याइतकी ती महागडी वस्तू नाही. गेल्या रात्री चोर व्यापारी भगत सिंहच्या घरात शिरला होता. चोराने भगत सिंहच्या पत्नीचे अंडरगारमेंट्स आणि 500 रूपये चोरी केले.

सकाळी जेव्हा व्यापारी उठले तेव्हा अंडरगारमेंट्स चोरी झाल्याचा संशय झाला. यानंतर पीडित परिवाराने ग्वाल्हेरच्या पोलीस स्टेशनमध्ये तक्रार दाखल केली. पोलिसांनी तक्रार नोंदवून घेतली. आरोपीची ओळख आकाश शर्माच्या रूपात झाली आहे. तो स्थानिक आहे. पोलिसांनी सांगितलं की, त्याला लवकरच पकडलं जाईल.