मुलं होईनात, नवऱ्यानेच पत्नीला दीराच्या ताब्यात सोपविले; झाली वासनेची शिकार

Rape Case : पीडितेच्या या तक्रारीवरून पोलिसांनी आरोपी पती, दीर आणि दिराची पत्नी यांच्याविरुद्ध गुन्हा दाखल केला.

ग्वाल्हेर :  मध्य प्रदेशातील ग्वाल्हेरमधून एक धक्कादायक घटना समोर आली आहे. लग्नाला दोन वर्षे उलटूनही मूल होत नसताना एका पतीने आपल्या इच्छेपोटी पत्नीला मोठ्या भावाच्या स्वाधीन केले. दिराने महिलेवर तीन वर्षे बलात्कार केला. निर्लज्जपणाची परिसीमा ओलांडत पती आणि दिराच्या पत्नीसमोरच महिलेशी दिरासोबत बळजबरीने संबंध ठेवले. यानंतरही मूल न झाल्याने पतीने पत्नीला घरातून हाकलून दिले. या सर्व प्रकाराला कंटाळून पीडितेने पोलीस ठाण्यात याप्रकरणी तक्रार केली. पीडितेच्या या तक्रारीवरून पोलिसांनी आरोपी पती, दीर आणि दिराची पत्नी यांच्याविरुद्ध गुन्हा दाखल केला.

विशेष म्हणजे 27 वर्षीय विवाहित महिलेने ग्वाल्हेर पोलीस ठाण्यात एफआयआर दाखल केला आहे. तिने सांगितले की, ती भिंडच्या गोहाडची आहे. 2015 मध्ये तिचा विवाह ग्वाल्हेर जिल्ह्यातील बिजौली येथील तरुणाशी झाला होता. तिचा नवरा आणि दीर ग्वाल्हेरमध्ये एका खासगी कंपनीत काम करतात. लग्नानंतर ती पतीसोबत गोसपुरा येथे भाड्याच्या घरात राहायला आली. येथे तिच्यासोबत दीर आणि दिराची पत्नी राहत होते.

महिलेने आपबिती सांगितली

महिलेने पोलिसांना सांगितले की, लग्नाला दोन वर्षे उलटून गेल्यानंतरही विवाहितेने पतीला डॉक्टरांकडून चेकअप करून घेण्यास सांगितले, मात्र पती डॉक्टरकडे जाण्यास टाळू लागला. एके दिवशी पतीने विवाहित महिलेला सांगितले की, जर तुम्हाला मुले हवी असतील तर मोठ्या भावाशी संबंध ठेवू. विवाहितेने नकार दिल्याने 20 जुलै 2017 च्या रात्री दीर आणि दिराची पत्नी तिच्या खोलीत आले. दिराच्या पत्नीने आतून दरवाजा बंद केला आणि त्यानंतर तिच्यावर बलात्कार घडवून आणला. 
 

मुलाच्या नावाखाली तीन वर्षे अत्याचार सहन केले

एकदा दिराने विवाहित महिलेला आपला बळी बनवला. त्यानंतर तिची अब्रू लुटण्याचा प्रकार सुरू झाला. पती आणि दिराची पत्नी खोलीत उभे राहून  दिरास विवाहितेवर बलात्कार करायला लावायचे. पीडित तरुणी तीन वर्षांपासून मुलाच्या नावावर पती, दीर आणि दिराची पत्नी यांच्याकडून छळ सहन करत होती. इज्जत जाईल या भीतीने तिने सर्व काही सहन केले. तीन वर्षांपासून मूल हो नाही म्हणून ऑक्टोबर 2020 रोजी पती आणि दीर यांच्यामध्ये वाद झाला. त्यानंतर पती पत्नीसह कानपूरला गेला.

तेथेही महिलेसोबतचा छळ काही थांबला नाही. एके दिवशी पतीने पत्नीमधील उणीवा काढून तिला घरातून हाकलून दिले. शेवटी पत्नीने आपल्या माहेरी पोहोचून आपल्यावर झालेल्या अत्याचाराची माहिती लहान भावाला सांगितली. त्यानंतर विवाहितेला धीर दिल्याने तिने पोलीस ठाण्यात जाऊन एफआयआर दाखल केला. पोलिसांनी पती, दीर आणि दिराची पत्नी यांच्याविरुद्ध बलात्कारासह अन्य कलमांतर्गत गुन्हा दाखल करून आरोपींचा शोध सुरू केला आहे.