लातूर: जिल्ह्यातील किल्लारी पोलीस ठाण्यातील एका पोलीस कर्मचाऱ्याने रविवारी पहाटे दोनच्या सुमारास स्वतःवर गोळी झाडून आत्महत्या केली. जिल्हा पोलीस अधीक्षक निखिल पिंगळे यांनी सांगितले की, साहेबराव सावंत हे किल्लारी पोलीस ठाण्यात कामावर होते. २०१७ ते १८ दरम्यान त्यांनी काहीजणांना पैसे दिले होते. ते परत मिळत नव्हते, त्याच्या तणावातून त्यांनी रायफलीने स्वतःवर गोळी झाडून घेतली असल्याचे समोर येत आहे.
चिठ्ठीत लिहिल्याची माहिती...
आत्महत्येपूर्वी पोलीस कर्मचारी साहेबराव सावंत यांनी एक चिठ्ठी लिहिली, अशी माहिती आहे. त्यात काही नावे लिहिली आहेत. त्यावरून कारण आणि घटनाक्रम समोर येईल, असे सांगण्यात आले. पोलीस त्यादिशेने तपास करत आहेत.