गतिमंद मुलीवर बलात्कार, अर्धांगवायू झालेल्या तिच्या आईच्यासमोरच नराधमाने केले दुष्कृत्य
By ऑनलाइन लोकमत | Published: February 25, 2022 06:29 PM2022-02-25T18:29:40+5:302022-02-25T18:41:30+5:30
Rape Case : मानसिक आणि शारीरिकदृष्ट्या विकलांग मुलीवर आरोपीने आईसमोरच पाशवी बलात्कार केला.
गतिमंद मुलीवर बलात्कार, अर्धांगवायू झालेल्या तिच्या आईच्यासमोरच नराधमाने केले दुष्कृत्य
Next केरळमधील मलप्पुरममध्ये एका मतिमंद मुलीवर तिच्या अर्धांगवायू झालेल्या आईच्या समोरच अत्याचार करण्यात आला.अनेक गुन्हेगारी प्रकरणांमध्ये आरोपी असलेला‘मुत्तलन’ शिहाब बुधवारी दुपारी २ वाजता पीडितेच्या घरात घुसला. मतिमंद मुलगी तिच्या अर्धांगवायू झालेल्या आईसोबत राहत होती. शिहाबला पाहताच पीडितेने आरडाओरडा करण्याचा प्रयत्न केला, मात्र त्याने तिचे तोंड बंद केले.
मतिमंद मुलगी हल्लेखोरापासून पळून जाण्यात यशस्वी झाली, मात्र त्याने मुलीचा पाठलाग करून तिच्यावर पाशवी बलात्कार केला. या घटनेबाबत इतरांना सांगितल्यास जीवे मारण्याची धमकीही त्याने दिली होती. केरळमधील मलप्पुरम जिल्ह्यातील अरेकोडे येथे ही क्रूर घटना घडली. अहवालानुसार,पीडितेची आई गंभीर आरोग्य समस्यांमुळे अंथरुणाला खिळलेली आहे. मानसिक आणि शारीरिकदृष्ट्या विकलांग मुलीवर आरोपीने आईसमोरच पाशवी बलात्कार केला.
A mentally challenged woman was brutally raped in front of her sick mother in Malappuram. The molester Shihab even threatened to eliminate the victim & witnesses. The human rights activists haven't uttered a word: no prime time debates & candlelight marches.#JusticeForNirashraya
— K Surendran (@surendranbjp) February 24, 2022
वृत्तानुसार, आरोपीने कुटुंबाला धमकीही दिली होती की, त्यांनी त्याच्याविरुद्ध काही केल्यास तो ‘बदला’ घेण्यासाठी परत येईल. आईला तिच्या मतिमंद मुलीवर त्यांच्या घरात लैंगिक अत्याचार होताना पाहावे लागले. शिहाबने मुलीवर बलात्कार करण्याची ही दुसरी वेळ असल्याचा खुलासा पीडित मुलीने पोलिसांसमोर केला आहे. केरळ पोलिसांनी आरोपी शिहाबला अटक केली आहे.