पाटणा - जेवणासाठी वारंवार बोलवल्याने संतापलेल्या मुलाने आपल्या आईच्या डोक्यात गोळ्या घालून तिची हत्या केल्याची धक्कादायक घटना घडली आहे. ही घटना बिहारमधील पाटणा येथील आहे. आरोपी मुलगा हा आपल्या मित्रांसोबत बोलत होता. त्याचवेळी त्याची आई त्याला वारंवार जेवणासाठी आवाज देत होती. मात्र, वारंवार आई जेवणासाठी बोलवून व्यत्यय आणत असल्याचा राग आल्याने मुलाने संतापाच्या भरात आईच्या डोक्यात गोळी झाडली.ही घटना पटनामधील सीतापूर गावची आहे. मंगळवारी रात्री साडेदहा वाजता ही घटना घडली आहे.
आरोपी २० वर्षीय अंगद यादव याला पोलिसांनी बुधवारी सकाळी पिस्तूलसह अटक केली. मरांची पोलीस स्टेशनचे एसएचओ अनिल कुमार यांनी सांगितले की, गंभीर जखमी महिलेचे नाव मंजूद देवी असे असून त्या ५५ वर्षांच्या होत्या. जखमी महिलेस तातडीने बेगूसराय येथील रुग्णालयात दाखल करण्यात आले. बुधवारी त्यांना पाटणा मेडिकल कॉलेज व रुग्णालयात (पीएमसीएच) पुढील उपचारांसाठी पाठविण्यात आले. मात्र, उपचारादरम्यान तिचा मृत्यू झाला. घटनेच्या रात्री अंगद आपल्या घराबाहेर बर्‍याच वेळापासून आपल्या मित्रांसोबत बोलत होता. रात्र होत झाल्याने ५५ वर्षीय महिला आपल्या मुलाला वारंवार जेवणासाठी आवाज देत होती. मात्र, अंगद त्याकडे दुर्लक्ष करत होता. मुलगा सांगूनही ऐकत नसल्याने तिने बाहेर येऊन त्याला पुन्हा हाक मारली. नंतर आई जेव्हा घरात जाण्यासाठी वळली, त्यावेळी अंगदने मागून तिच्यावर पिस्तुलाने गोळी झाडली. गोळीबार केल्यानंतर त्याने तिथून तात्काळ पळ काढला. घरात असलेली त्याची वहिनी इंदूदेवी हिने स्वत:च्या डोळ्यांनी हा भयानक घडला प्रकार घडताना पहिला.
इंदूदेवी यांच्या जबाबानुसारच पोलिसांनी अंगदविरोधात गुन्हा दाखल केला आणि पोलिसांनी त्याला अटक केली. अंगदला घराच्या मागील जंगलातून अटक करण्यात आली आहे. अटकेच्या वेळीही तो पोलिसांवर देखील गोळीबार करणार होता. मात्र, पोलिसांनी मोठ्या शिताफीने त्याला अटक केली. अंगदचे दोन भाऊ हे पंजाबमध्ये मजूर म्हणून काम करतात. अटकेनंतर अंगदने पोलिसांना सांगितले की, त्याने पिस्तूल ६ महिन्यांपूर्वी मुंगेर येथून ७५०० रुपयांना खरेदी केली होती. आज आरोपीची कोव्हिड-१९ चाचणी झाल्यानंतर त्याला तुरुंगात पाठविण्यात येणार आहे.
अन्य महत्वाच्या बातम्या...
वकिलांना लोकलने प्रवास करण्याची परवानगी देऊ शकत नाही, राज्य सरकारची उच्च न्यायालयाला माहिती
...अन् फेसबुक फ्रेंडनं महिलेला घातला थोडा थोडका नव्हे, तर ११ लाखांचा गंडा
मनोरुग्ण तरुणीवर कारमध्ये अत्याचार; विवस्त्रवस्थेत आढळून आली पीडित तरुणी
कुलभूषण जाधव प्रकरणात पाकिस्तानची नवीच शक्कल; हायकोर्टाकडून वकील देण्याची मागणी
विकास दुबेला जामीन कसा मिळाला हा मुख्य मुद्दा; सुप्रीम कोर्टानं योगी सरकारला फटकारलं
कोर्टाचा दणका! राजा मान सिंग फेक चकमकप्रकरणी ११ पोलिसांनी जन्मठेपेची शिक्षा
सेक्स रॅकेट चालवणाऱ्या सोनू पंजाबनला कोर्टाने सुनावली २४ वर्षाच्या तुरुंगवासाची शिक्षा
CoronaVirus News : सांगलीत उपनिरीक्षकासह सहा पोलिसांना कोरोनाची लागण