चेन्नई - तामिळनाडूच्या तिरुवल्लूर जिल्ह्यातील एका आश्रमात मंगळवारी कथितपणे कीटकनाशक सेवन केल्याने एका २० वर्षीय विद्यार्थ्याचा मृत्यू झाला. या प्रकरणी पोलीस स्वयंभू धर्मगुरू मुनुसामी यांची चौकशी करत आहेत. विविध आजारांनी त्रस्त असलेल्या मुनुसामी मृत विद्यार्थिनीवर वर्षभरापासून उपचार करत होते. आपल्या मुलीच्या मृत्यूमागे काहीतरी कट असल्याचा संशय मुलीच्या पालकांनी पोलिसांकडे व्यक्त केला आहे.खासगी अभियांत्रिकी महाविद्यालयातून बीएस्सी कॉम्प्युटर सायन्स करत असलेल्या हेमा मालिनी यांना मंगळवारी सकाळी आश्रमात उलट्या होऊ लागल्या. हेमा मालिनी यांची मावशी इंद्राणी यांनी मुनुसामी यांना रुग्णालयात दाखल करण्याची गरज असल्याचे सांगितले. मुनुसामी यांनी तातडीने कारवाई न करता काही तासांनी ऑटोरिक्षाची व्यवस्था केली. हेमा मालिनी यांना तिरुवल्लूरच्या सरकारी रुग्णालयात आणण्यात आले, जिथे डॉक्टरांनी सांगितले की, तिने कीटकनाशक प्राशन केले आहे. उपचारादरम्यान विद्यार्थिनीचा मृत्यू झाला. पोलिसांनी मृतदेह शवविच्छेदनासाठी पाठवला.
अनैतिक संबंधातून पतीने पत्नीचा केला विश्वासघात, मुलांनाही सोडले नाहीमुनुसामी यांचा पुंडीजवळ वेल्लाथुकोट्टई येथे एक आश्रम आहे, जिथे ते पूजा आणि औषधी वनस्पतींच्या मदतीने आजार बरे करण्याचा दावा करतात. हेमा मालिनी यांच्या पालकांनी तिला 2020 मध्ये मुनुसामी यांच्या आश्रमात उपचारासाठी आणले. विद्यार्थिनीला पोट आणि मानदुखीसारखे विविध आजार होते, ज्यावर मुनुसामी त्यांच्या आश्रमात उपचार करत होते. तेव्हापासून ही विद्यार्थिनीनी आश्रमात राहत असल्याचे पोलिसांनी सांगितले. ऑफलाइन वर्ग सुरू असताना मुनुसामी यांनी मुलीला घरी पाठवण्यास नकार दिला होता.पोलिसांनी दिलेल्या माहितीनुसार, मुनुसामी यांनी मुलीच्या पालकांना सांगितले की, त्यांच्या मुलीच्या शरीरात काही दोष आहेत. हा दोष दूर करण्यासाठी अमावास्येला आणि पौर्णिमेच्या दिवशी पूजा करावी लागेल. हेमा मालिनी यांच्या पालकांनी पोलिसांना सांगितले की, मुनुसामीने त्यांच्या मुलीला रात्री उशिरा पूजा करण्यास भाग पाडले. बरेच लोक, बहुतेक स्त्रिया, लवकर लग्ना होण्यासाठी मुनुसामीचा आशीर्वाद घेण्यासाठी आश्रमात येतात. रात्री उशिरा पूजेसाठी आश्रमात मुक्कामही करतात.