राजस्थानमधून एक धक्कादायक घटना समोर आली आहे. राजस्थानमध्ये आणखी एक सामुहीक बलात्काराची घटना समोर आली आहे. ही घटना जयपूर येथील दौसा परिसरात घटली आहे. तीन तरुणांनी अल्पवयीन मुलीला अपहरण करुन घेऊन गेले. त्या मुलीवर सामुहिक बालात्कार करुन तिचा व्हिडिओ बनवून धमकी दिली. पीडितेने पोलिसांजवळ या प्रकरणी तक्रार दिली आहे.
पोलिसांनी दिलेली माहिती अशी की, पीडित तरुणी शनिवारी संध्याकाळी तिच्या मावशीसोबत पोलीस ठाण्यात आली आणि तिने तक्रार नोंदवली. पीडितेने तीन नामांकित तरुणांविरुद्ध सामूहिक बलात्काराचा गुन्हा दाखल केला आहे. 'भेडाडी येथील रहिवासी शेबू, सुमेर आणि गोविंद मीना यांनी 2 जानेवारी रोजी तिचे अपहरण केले. नंतर तिच्यासोबत सामूहिक बलात्काराची घटना घडली. घटनेदरम्यान आरोपीने व्हिडिओ बनवला होता. नंतर तो व्हायरल करण्याची धमकी देऊन परत तेथेच सोडून दिले, असं एफआयरमध्ये म्हटले आहे.
यानंतर पीडितेने आपल्या मावशीला हे प्रकरण सांगितले. या घटनेनंतर ती घाबरली होती. कुटुंबात कोणीही जबाबदार व्यक्ती नसल्याने याबाबत कोणालाच सांगण्यात आले नाही. अखेर 7 जानेवारी रोजी पीडितेने मावशीला संपूर्ण घटना सांगितली. मावशीने पीडितेला घेऊन मानपूर पोलीस ठाणे गाठले आणि तिन्ही आरोपींविरुद्ध सामूहिक बलात्काराच्या कलमांतर्गत गुन्हा दाखल केला. पोलिसांनी तिन्ही आरोपींविरुद्ध सामूहिक बलात्काराचा गुन्हा दाखल केला आहे.
लग्नाचे आमिष दाखवून 24 वर्षीय मुलीवर बलात्कार; आता पलटला, नग्न व्हिडीओ व्हायरल करण्याची दिली धमकी
एफआयआर नोंदवल्यानंतर मानपूर पोलीस शनिवारी रात्रीच पीडितेचे मेडिकल करण्यासाठी रुग्णालयात पोहोचले. पोलिसांनी पीडितेचा जबाब नोंदवला आहे. सोमवारी पीडितेच्या न्यायालयात सीआरपीसी कलम 164 अंतर्गत जबाब नोंदवले जाईल. मानपूरचे डीएसपी दीपक मीणा या संपूर्ण प्रकरणाचा तपास करत आहेत. पोलीस आरोपीचा शोध घेत आहेत. मात्र त्यांना अद्याप कोणताही सुगावा लागलेला नाही.