मुंबई - आज सायंकाळी ५ वाजताच्या सुमारास कफपरेड येथील गणेश मूर्ती नगरमध्ये राहणारे विकास कांगळे (वय ३०) या तरुणाने गणेश मूर्ती नगरमधील खाडीतील कांदळ नावातील खारफुटीच्या झाडाला दोरीने गळफास घेऊन आत्महत्या केल्याची घटना घडली आहे. या घटनेमुळे परिसरात खळबळ माजली होती. या घटनेची स्थानिकांनी पोलिसांना माहिती दिली असता घटनास्थळी पोलीस हजर झाले. घटनास्थळाहून पोलिसांनी विकासाचा मृतदेह ताब्यात घेत शवविच्छेदनासाठी रुग्णालयात पाठवून दिला. याप्रकरणी कफपरेड पोलीस ठाण्यात सीआरपीसी १७४ अन्वये अपमृत्यूची नोंद करण्यात आली आहे.
झाडाला दोरीने गळफास घेऊन तरुणाने केली आत्महत्या
By ऑनलाइन लोकमत | Published: August 31, 2018 9:58 PM