तेरखेडा ग्रामपंचायतीवर घोलप, पठाण बिनविरोध

तेरखेडा : येथील ग्रामपंचायतीच्या सरपंचपदी दिलीप घोलप, तर उपसरपंचपदी फरीद पठाण यांची बिनविरोध निवड झाली. या ग्रामपंचायतीच्या निवडणुकीत राष्ट्रवादी काँग्रेसचे दिलीप घोलप यांच्या नेतृत्वाखालील पॅनलचे सर्व उमेदवार बहुमताने विजयी झाले होते. ग्रामपंचायत कार्यालयात सरपंच, ुउपसरपंचांची निवड प्रक्रिया पार पडली. यावेळी सरपंचपदी दिलीप घोलप, तर उपसरपंचपदी फरीद पठाण यांची बिनविरोध निवड झाली. यावेळी ग्रामपंचायत सदस्य किरण धुमाळ, शिवकन्या भुजबळ, बालाजी वाघमारे, शारदा वाघमारे, हिराबाई घुले, कल्पना सरवदे, छाया उकरंडे, शाहेद मुलाणी, बाळकृष्ण कसबे, संगीता चव्हाण, ज्योती माने, बालाजी हलकरे आदी उपस्थित होते. निवडीनंतर नूतन सरपंच, उपसरपंचांचा ग्रामस्थांच्या वतीने सत्कार करण्यात आला. निवडणूक निर्णय अधिकारी म्हणून पी. एस. गलांडे यांनी काम पाहिले. त्यांना ग्रामविकास अधिकारी एम.पी. लवटे व तलाठी थोरबोले यांनी सहकार्य केले. यावेळी समर्थकांनी फटाक्यांची आतषबाजी करीत आनंदोत्सव साजरा केला.