शहरं
Join us  
Trending Stories
1
'काँग्रेसचा खरा चेहरा समोर आला', मल्लिकार्जुन खर्गेंच्या 'त्या' वक्तव्यावर PM मोदींचा घणाघात
2
अंधेरी पूर्वेत पंधरा ते वीस दुकानांना भीषण आग;कामगार अडकल्याची भीती, अग्निशमनच्या गाड्या दाखल
3
जम्मू-काश्मीरमध्ये पुन्हा टार्गेट किलींग; 2 बिगर कश्मिरी मजुरांवर दहशतवाद्यांचा गोळीबार
4
पाकिस्तानचे अध्यक्ष आसिफ अली झरदारी यांच्या पायाला दुखापत, दुबईत विमानातून उतरताना अपघात झाला
5
Maharashtra Vidhan Sabha Election 2024: काटेवाडीत पाडवा का साजरा करणार? अजित पवारांनी कारणच सांगितलं, म्हणाले...
6
कॅनडामध्ये सुपरलॅबचा भंडाफोड, मोठ्या प्रमाणात ड्रग्ज आणि शस्त्रे जप्त, भारतीय वंशाच्या व्यक्तीला अटक
7
३०० कंटेनरचे सामूदायिक लक्ष्मीपूजन; सांगवीच्या तरुणांकडे ४५० कंटेनरची मालकी
8
"बाळासाहेब असते तर थोबाड फोडलं असतं"; अरविंद सावंतांच्या वक्तव्यावर CM शिंदेंची प्रतिक्रिया
9
ऐन दिवाळीत मतदारांपर्यंत पोहचण्यासाठी दोन्ही पवारांची धावाधाव
10
Maharashtra Vidhan Sabha Election 2024 : सांगली विधानसभेत महाविकास आघाडीला धक्का! जयश्री पाटील निवडणूक लढवण्यावर ठाम
11
Maharashtra Election 2024: नाशिक पूर्वमध्ये थेट सामना; अन्य तीन मतदारसंघात तिरंगी, चौरंगी लढत
12
Muhurat Trading : मुहूर्त ट्रेडिंगनंतर तेजीसह बाजार बंद, 'या' १० शेअर्समध्ये जोरदार खरेदी, गुंतवणूकदारांनी कमावले ४ लाख कोटी
13
Mumbai Crime: फटाके फोडण्याच्या वादातून तरुणाची हत्या, मुंबईतील धक्कादायक घटना
14
जरांगेंच्या यादीला ओबीसींची यादी तयार, जो तो उठतोय त्यांनाच भेटायला जातोय; लक्ष्मण हाकेंनी रणशिंग फुंकले
15
किंग कोहलीची 'विराट' चूक; मैदानात थांबण्यापेक्षा चोरटी धाव घेण्याच्या नादात फसला (VIDEO)
16
पोस्टर'वार'! योगी आदित्यनाथ यांच्या 'बटेंगे तो कटेंगे'ला अखिलेश यादवांकडून पलटवार
17
भीषण! पाकिस्तानमध्ये मोठा बॉम्बस्फोट; ५ शाळकरी मुलं आणि एका पोलिसासह ७ जणांचा मृत्यू
18
'लॉरेन्स बिश्नोईने मला लवकर मारावे...', खासदार पप्पू यादव असं का म्हणाले?
19
IND vs NZ, 3rd Test Day 1 Stumps : फलंदाजांमुळे टीम इंडिया अडचणीत; ८६ धावांत गमावल्या ४ विकेट्स
20
"चुकीची चिठ्ठी काढणारा पोपट, आजपर्यंत...!"; शंभूराज देसाई यांचा संजय राऊतांना टोला

शालेय विद्यार्थी पालकांना शेती कामात करताहेत मदत

By लोकमत न्यूज नेटवर्क | Published: December 27, 2020 4:23 AM

जेवळी : कोरोनाच्या धास्ती आणि लाॅकडाऊनमुळे मार्च महिन्यापासून शाळा बंद आहेत. ग्रामीण भागात ऑनलाईन शिक्षणाची सुविधा नसल्याने प्राथमिक आणि ...

जेवळी : कोरोनाच्या धास्ती आणि लाॅकडाऊनमुळे मार्च महिन्यापासून शाळा बंद आहेत. ग्रामीण भागात ऑनलाईन शिक्षणाची सुविधा नसल्याने प्राथमिक आणि माध्यमिक शाळेत शिकणारे अनेक विद्यार्थी आपल्या पालकांना शेतीच्या कामात मदत करीत आहेत.

काेराेनाचा संसर्ग वाढल्यानंतर शासनाने शाळा बंद केल्या. नववी ते बारावीपर्यंतचे वर्ग मागील काही दिवसांपूर्वी सुरू केले असले तरी उर्वरित वर्ग अद्याप बंदच आहेत. त्यामुळे विद्यार्थ्यांना ऑनलाईन धडे देण्याबाबत शासनाने आदेश काढले. परंतु, अनेक शाळांमध्ये आदेश फारसे गांभीर्याने घेतले गेले नाहीत. तर काही शाळांकडून प्रामाणिक प्रयत्न करण्यात येत आहेत. त्यांच्या प्रयत्नांनाही विस्कळीत इंटरनेट सुविधेचा फटका बसत आहे. जिल्हा परिषद शाळांची अवस्था तर फारच केविलवाणी आहे. मुलांचे व्हाॅट्सॲप ग्रुप तयार करून दररोज पीडीएफच्या माध्यमातून अभ्यासक्रम पाठविला जातो. परंतु, त्या अभ्यासक्रमाचा पाठपुरावा फारसा हाेत नाही. त्यामुळे हे शिक्षण किती विद्यार्थ्यांना उपयोगी पडले? हा एक संशोधनाचा विषय झाला आहे. ग्रामीण भागातील विद्यार्थ्यांना स्वाध्याय पुस्तके मोफत वाटप करण्यात आली आहेत. मात्र, प्रत्यक्ष शिकविलेच नसल्याने मिळालेली स्वाध्याय पुस्तके सोडवायची कशी? असा प्रश्न विद्यार्थ्यांसमोर आहे. परिणामी अनेक विद्यार्थी आपल्या पालकांना विशेषकरून शेती कामात मदत करताना दिसून येत आहेत.

ग्रामीण भागातील विद्यार्थ्यांना आई-वडिलांपेक्षा शाळेतील गुरूजींची भीती अधिक असते. त्या भीतीपोटी मुले अभ्यास करतात. मात्र सध्या शाळा बंद आहेत. त्यामुळे त्यांना अनावश्यक सवयी लागू नयेत, यासाठी आम्ही मुलांना शेतात घेऊन जाताे.

-राजू फुलचंद बिराजदार, पालक, दक्षिण जेवळी.

पुस्तके वाचून स्वाध्याय पुस्तके सोडवतील इतकी प्रगती ग्रामीण भागातील विद्यार्थ्यांमध्ये नाही.शाळा सुरू असताना सकाळी दहा ते सायंकाळी पाच वाजेपर्यंत मुलं शिक्षकांसोबत असतात. त्यामुळे आम्हा शेतकऱ्यांना मुलांची चिंता नव्हती. शाळेतील अभ्यास, होमवर्क, आणि वेळ मिळाल्यानंतर खेळ यातच मुले व्यस्त होती. आता शाळा बंद असल्याने मुलं उनाडक्या करीत फिरणार म्हणून त्यांना दररोज शेतातील कामात मदतीसाठी घेऊन जात आहे.

-दत्तात्रय होनाजे, पालक, जेवळी.