शहरं
Join us  
Trending Stories
1
Chhagan Bhujbal: देवेंद्र फडणवीस यांनी झोकून काम केलंय; ते मुख्यमंत्री झाले तर आनंदच होईल - छगन भुजबळ
2
मी मोदी सरकारसोबत उभी ठाकणार; ममता बॅनर्जींचे भर विधानसभेत मोठे वक्तव्य 
3
Ajmer Sharif: "आता चंद्रचूड प्रत्येक ठिकाणी मुलाखती देत बसलेत"; असदुद्दीन ओवेसी भडकले 
4
शरद पवार गटाला ७२ लाख मते पण १०च जागा जिंकले, अजितदादा गटाला ५८.१ लाख मते पण ४१ जागा जिंकले
5
प्रकाश आंबेडकरांना सोबत न घेणे भोवले? मविआला २० ठिकाणी फटका; सर्वाधिक नुकसान शरद पवारांचे!
6
Blast in Delhi: राजधानी दिल्लीत मोठा स्फोट; तपास यंत्रणा अलर्ट मोडवर
7
"दिल्ली जगातील सर्वात असुरक्षित राजधानी", अरविंद केजरीवालांचा केंद्र सरकारवर हल्लाबोल 
8
सलग दुसऱ्यांदा शेअर देतेय 'ही' कंपनी, रेकॉर्ड डेट उद्या; ५० रुपयांपेक्षा कमी किंमत
9
खळबळजनक! गुजरातमध्ये सरकारी योजनेचा लाभ घेण्यासाठी रुग्णांची मुद्दाम केली अँजिओप्लास्टी
10
सणासुदीच्या काळात Indian Railway मालामाल; तिकीट विक्रीतून कमावले 12 हजार कोटी!
11
IND vs AUS: वर्षभर 'फ्लॉप शो', मात्र ऑस्ट्रेलियात 'विराट' कमबॅक; गावसकरांनी सांगितलं शतकामागचं रहस्य
12
ऑस्ट्रेलियन PM अँथनी अल्बानीज यांनी घेतली टीम इडियाची भेट; किंग कोहलीसोबतचा संवाद चर्चेत (VIDEO)
13
BSNL ची आपल्या कोट्यवधी ग्राहकांना मोठी भेट; कंपनीने सुरू केली HD कॉलिंग सेवा...
14
पत्नीसोबत झालं भांडण, रागाच्या भरात पतीने घरच पेटवलं; व्हिडीओ व्हायरल
15
४० हजार कोटींची संपत्ती असणाऱ्या तरुणाने घेतला सन्यास! ऐशोआरामाच्या जीवनाचा का केला त्याग?
16
Maharashtra Politics : ज्यावेळी भाजपला मुख्यमंत्री निवडण्यासाठी ७२ तास लागले,तेव्हा धक्कातंत्र वापरले, नवीन चेहरे आले समोर
17
मुख्यमंत्रिपदाच्या शर्यतीतून शिंदे बाहेर, फडणवीसवर सस्पेन्स कायम; BJP कसा घेणार निर्णय?
18
कोणीही मुख्यमंत्री झाले तरी...; देवेंद्र फडणवीस CM होण्याची शक्यता असतानाच मनोज जरांगेंचा इशारा
19
"बच्चू कडूंना महायुतीमध्ये घेण्याची आवश्यकता नाही, त्यांनी…", भाजपच्या वरिष्ठ नेत्याची स्पष्ट भूमिका
20
Gold Silver Price Today 28 November: तेजीनंतर सोन्या-चांदीच्या दरात पुन्हा घसरण; पाहा दिल्ली ते कोलकात्यापर्यंतचे नवे दर

मोबाईल रेंजसाठी कधी रस्त्यावर तर कधी डोंगरावर !

By लोकमत न्यूज नेटवर्क | Published: July 30, 2021 4:34 AM

अणदूर : तुळजापूर तालुक्यातील उमरगा (चि) या गावात कोणत्याच मोबाईल कंपनीचे नेटवर्क मिळत नाही. त्यामुळे येथील ग्रामस्थ, व्यापारी व ...

अणदूर : तुळजापूर तालुक्यातील उमरगा (चि) या गावात कोणत्याच मोबाईल कंपनीचे नेटवर्क मिळत नाही. त्यामुळे येथील ग्रामस्थ, व्यापारी व विद्यार्थी यांचे मोठे हाल होत असून, रेंज मिळविण्यासाठी रस्त्यावर, डोंगरावर भटकंती करण्याची वेळ आली आहे.

उमरगा (चि) हे जवळपास चार हजार लोकसंख्येचे गाव आहे. येथे विविध कंपनीच्या मोबाईलचे हजारो ग्राहक आहेत. परंतु, बीएसएनएलसह कुठल्याच खाजगी मोबाईल कंपनीचे गावात टॉवर नाही. गावापासून सात-आठ किमी अंतरावर असलेल्या अणदूर, चिवरी येथे टॉवर असले तरी अंतर जास्त असल्यामुळे येथून तिथपर्यंत व्यवस्थित रेंज पोहोचू शकत नाही. अधून-मधून रेंज मिळत असल्यामुळे नागरिकांना शेतात, उंचवट्याचा आधार घ्यावा लागत आहे.

कोविडच्या महामारीत शासनाने विद्यार्थ्यांसाठी ऑफलाईन शिक्षण बंद केले व ऑनलाईन शिक्षणाची सक्ती केली. पण गावात नेटवर्क नसल्यामुळे ऑनलाईन शिक्षणाला व्यत्यय येत आहे. त्यामुळे शिक्षकांना यासाठी तारेवरची कसरत करावी लागते. यातून विद्यार्थ्यांचे शैक्षणिक नुकसान होऊन गुणवत्तेचा दर्जा ढासळत आहे. कोणत्याही शासकीय सेवेचा लाभ घेण्यासाठी देखील आता ऑनलाईन फॉर्म भरावे लागत आहेत. त्यामुळे, शासनाच्या योजनांचा लाभ घेतानाही ग्रामस्थांना मोठ्या अडचणी येत आहेत. नेटवर्कअभावी वेळेत पीक विमा न भरता आल्याने काही शेतकऱ्यांचे नुकसानही झाले आहे. त्यामुळे मोबाईल कंपन्यांनी उमरगा (चि) येथे टाॅवर उभे करावे, अशी मागणी ग्रामस्थांकडून होत आहे

चौकट......

गावात टाॅवर उभे करण्यासाठी विविध कंपन्यांशी आम्ही मेलद्वारे संपर्क केला. परंतु, कोणत्याच कंपनीकडून प्रतिसाद मिळत नाही. टाॅवरच्या उभारणीसाठी स्वत:ची जागा देण्याचीही तयारी आहे. फक्त कंपनीने पुढाकार घेण्याची गरज आहे.

- आसिफ नूरमहमद शेख, ग्रामस्थ

माझ्याकडे दोन सिमकार्ड आहेत. परंतु, एकाही कंपनीची रेंज व्यवस्थित मिळत नाही. वारंवार कस्टमर केअरला तक्रारीसाठी संपर्क करतोय. परंतु, त्यांच्याकडूनही समाधानकारक उत्तर मिळत नाही. आमचा व्यवसाय मोबाईलवरच अवलंबून आहे. त्यामुळे कुठल्या तरी कंपनीने टॉवर उभारणीसाठी पुढाकार घेणे गरजेचे आहे.

- गणेश पोतदार, व्यावसायिक

गावामध्ये रेंज येत नसल्यामुळे बऱ्याच अडचणींना ग्रामस्थांना तोंड द्यावे लागते. संबंधित कंपनीला ग्रामपंचायतीच्यावतीने अर्ज देऊन टाॅवरची मागणी करणार आहोत. कंपनीने सहमती दर्शवली तर ग्रामपंचायत टाॅवर उभारण्यासाठी जागा देखील उपलब्ध करून देईल.

- गोरोबा गायकवाड, ग्रामविकास अधिकारी, उमरगा (चि)

गावांमध्ये कुठल्याही मोबाईलला रेंज येत नाही. सध्या ऑफलाईन शिक्षण बंद असल्यामुळे ऑनलाईन शिक्षण हा पर्याय निवडला होता. परंतु, रेंज नसल्याने विद्यार्थ्यांना ऑनलाईन शिक्षणासाठी व्यत्यय येत आहे. त्यामुळे विद्यार्थ्यांच्या गुणवत्तेवर परिणाम होत आहे.

- विठ्ठल जेटीथोर, मुख्याध्यापक, जि. प. प्रशाला