शिरुडला एटीएम पळविण्याचा प्रयत्न फसला

पहाटेची घटना : ग्रामस्थांची सतर्कता फलदायी, घटनास्थळी पोलीस दाखल

धुळे : तालुक्यातील शिरुड येथे सेंट्रल बँकेचे एटीएम पळविण्याचा चोरट्यांचा प्रयत्न ग्रामस्थांच्या सतर्कतेमुळे फसला़ ही घटना शनिवारी पहाटेच्या सुमारास घडली़ चोरटे एटीएम मशिन जागेवरच सोडून पळून गेले़ त्यामुळे मोठी आर्थिक हानी टळली आहे़ मागील वर्षी याच दिवसात मालेगाव रोडवरील एटीएम पळवून घेऊन गेले होते़ ते मालेगावनजिक मशिनचे तुकडे सापडले होते़ मात्र, त्यातून पैसे लंपास झाले होते़ शिरुड येथे घडलेल्या घटनेत पैसे सुरक्षित आहेत़ घटनेची माहिती मिळताच धुळे तालुका पोलीस ठाण्याचे निरीक्षक दिलीप गांगुर्डे आणि पथक घटनास्थळी दाखल झाले होते़ तपास सुरु आहे़