मृतांची संख्या २०० वर पोहोचली, १६२ अहवाल पॉझिटिव्ह 

लोकमत न्यूज नेटवर्कधुळे :जिल्ह्यातील मृतांची संख्या २०० वर पोहोचली आहे.  शुक्रवारी आणखी १६२ रुग्णांचे अहवाल पॉझिटिव्ह आले. तर तीन रुग्णांचा मृत्यू झाला. मृतांमध्ये, दोंडाईचा येथील ७५ वर्षीय महिला, ५८ वर्षीय पुरुष व धुळे शहरातील चितोड रोड परिसरातील ६५ वर्षीय पुरुषाचा समावेश आहे.  शुक्रवारच्या अहवालानुसार, धुळे शहरातील ६३ रुग्णांचे अहवाल पॉझिटिव्ह आले. तसेच धुळे तालुक्यातील ११, शिरपूर तालुक्यातील दोन, साक्री तालुक्यातील ४८ व शिंदखेडा तालुक्यातील ३८ रुग्णांना कोरोनाची बाधा झाली आहे. जिल्ह्यातील बाधित रुग्णांची संख्या ६ हजार ५१७ इतकी झाली आहे.