बारापत्थर भागातील वाहतुकीचा प्रश्न सोडवा

राष्ट्रवादी : पोलीस निरीक्षकांना निवेदन

धुळे : शहरातील बारापत्थर ते जेलरोड, तहसिल कार्यालय चौक नेहमी वर्तळीचा असतो़ वाहतुक शाखेकडून वाहतूकीचा प्रश्न सोडविण्यात यावा अशा मागणीचे निवेदन बुधवारी राष्ट्रवादी विद्यार्थी कॉग्रेस पक्षातर्फे वाहतुक निरीक्षकांना देण्यात आले़शहरातील मध्यवर्ती ठिकाणी सकाळी व दुपारी नेहमी वाहतुकीचा प्रश्न निर्माण होतो़ त्यामुळे हा परिसर ब्लॉक झालेला असतो़ शहरातील बहूसंख्य नागरिकांचा वर्दळ तसेच तालुका पोलीस स्टेशन, बारा पत्थर भागात बस थांबा देखील याच भागात आहे़ हा रस्ता अरूंद असल्याने बस तेथे थांबल्यास वाहूकीची कोंडी निमाण होते़ वाहतुक शाखेकडून सदरील परिसरातील वाहतुकीचा प्रश्न कायमस्वरूपी निकाली लावावा़ अशा मागणीचे निवेदन देण्यात आले़ निवेदनावर गौरव बोरसे, यशवर्धन कदमबांडे, लोकेश रणदिवे, कुणाल पाटील आदींच्या स्वाक्षऱ्या आहेत़