धुळे : हिरे वैद्यकीय महाविद्यालयातर्फे सोमवारी रात्री आलेल्या अहवालानुसार ८ जणांना कोरोनाची लागण झाल्याचे स्पष्ट झाले होते. यात दोन धुळे जिल्ह्यातील व सहा जण भांडुप (मुंबई) येथील असल्याचे जिल्हा प्रशासनाने कळविले होते. मात्र भांडुपचे सहा नसून पाचच रूग्ण आहे. तर उर्वरित तीन धुळे जिल्ह्याचे असल्याचे जिल्हा प्रशासनाने मंगळवारी स्पष्ट केले. त्यामुळे जिल्ह्यातील कोरोना बाधितांची संख्या ५६ झालेली आहे.
दरम्यान सोमवारी रात्री वैद्यकीय महाविद्यालय उपचार घेणाऱ्या कोरोना बाधित दोन महिलांचा सोमवारी रात्री मृत्यू झाला. यात धुळे तालुक्यातील नगावबारी येथील ४० वर्षीय महिला व शिंदखेडा तालुक्यातील चिमठाणे येथील ५० वर्षीय महिलेचा समावेश आहे. त्यामुळे जिल्ह्यात कोरोनामुळे मृत झालेल्यांची संख्या आठ झालेली आहे.