शहरं
Join us  
Trending Stories
1
IPL Auction 2025: Rohit Sharma ला 'ओपनिंग पार्टनर' मिळाला! Mumbai Indians ने ५.२५ कोटींना 'याला' संघात घेतला!
2
अविमुक्‍तेश्‍वरानंद यांनी उद्धव ठाकरेंना दिला होता CM होण्याचा आशीर्वाद, आता सांगितलं माहायुतीच्या महाविजयाचं कारण 
3
निकालापूर्वी राजकीय संन्यास जाहीर केला, भाजपाला मोठे यश मिळताच निर्णय बदलला; नेते म्हणाले...
4
“मविआत आमचे संख्याबळ जास्त, मला विरोधी पक्षनेता व्हायला नक्कीच आवडेल”: भास्कर जाधव
5
IPL Auction 2025 : एका डावात १० विकेट्स घेणाऱ्या MI च्या गोलंदाजाला CSK नं केलं 'करोडपती'  
6
मतमोजणीच्या आकडेवारीत घोळ? व्हायरल पोस्टचे सत्य समोर, निवडणूक अधिकारी म्हणाले...
7
पुन्हा तेच घडले? पिपाणी चिन्हामुळे घोळ, तुतारीला बसला मोठा फटका; शरद पवारांचे ९ उमेदवार पडले
8
“आमचे आमदार फुटणार नाहीत, ताकदीने लढणार”; ठाकरे गटाला ठाम विश्वास, शिंदे गटाला सुनावले
9
IPL Auction 2025: MS Dhoni चा 'भिडू' Mumbai Indians ने पळवला; दीपक चहरसाठी मोजले किती कोटी? जाणून घ्या
10
मी ही निवडणूक मोठ्या मताधिक्याने कसा जिंकलो..? जितेंद्र आव्हाडांनी सांगितला १ ऑगस्टपासूनचा EVM चा घटनाक्रम
11
IPL Auction 2025: भुवीसाठी MI अन् LSG यांच्यात 'बोली युद्ध'; होऊ दे खर्च म्हणत शेवटी RCB नं मारली बाजी
12
फडणवीस मुख्यमंत्री झाले तर भाजपकडे शिंदेंसाठी प्लॅन 'B'? ठरू शकतो असा फॉर्म्युला 
13
IPL Auction 2025: मुंबई इंडियन्सला इशान किशनचा पर्याय सापडला! कोण आहे त्याची जागा घेणारा रायन रिकल्टन?
14
शरद पवार, उद्धव ठाकरेंचे राजकारण संपले? दोघांनाही आहे अजून एकेक संधी...
15
"चांगल्या घरातल्या मुली...", मनिषा कोईरालाच्या पदार्पणावर विचारले गेले होते प्रश्न; म्हणाली...
16
IPL Auction 2025: कृणाल पांड्या, नितीश राणासाठी RR vs RCB मध्ये रंगला 'रॉयल' सामना! कुणाचा झाला फायदा?
17
आदित्य ठाकरेंच्या नावाचा आग्रह केला पण...; विरोधी पक्षनेते पदावर भास्कर जाधव काय म्हणाले?
18
द्रविडच्या RR नं दिला MS धोनीच्या CSK ला शह! कल्याणकर Tushar Deshpande चं 'कल्याण'
19
मल्लिका शेरावतचं फ्रेंच बॉयफ्रेंडसोबत ब्रेकअप! म्हणाली, "आजच्या काळात योग्य व्यक्ती शोधणं..."
20
IPL Auction 2025 : मुंबईकर अजिंक्य, पृथ्वी अन् शार्दुलसह या स्टार खेळाडूंना अनसोल्डचा टॅग

राजकीय समरांगणातील लोकप्रिय ‘ब्रॅन्ड’ केजरीवाल!

By admin | Published: February 13, 2016 3:48 AM

दिल्लीकरांनी गतवर्षी सारे पर्याय धुडकावून आम आदमी पक्षाला स्वीकारले. ऐतिहासिक बहुमतावर स्वार होत दिल्लीत केजरीवाल सरकार सत्तेवर आले. रविवारी व्हॅलेंटाईन डे च्या दिवशी

- सुरेश भटेवरा(राजकीय संपादक, लोकमत)दिल्लीकरांनी गतवर्षी सारे पर्याय धुडकावून आम आदमी पक्षाला स्वीकारले. ऐतिहासिक बहुमतावर स्वार होत दिल्लीत केजरीवाल सरकार सत्तेवर आले. रविवारी व्हॅलेंटाईन डे च्या दिवशी दिल्लीकर जनता आणि ‘आप’च्या अलौकिक प्रेमोत्सवाचा पहिला वर्षपूर्ती सोहळा आहे. ‘आप’ ने त्यासाठी कोणताही दिखाऊ समारंभ योजलेला नाही. मुख्यमंत्री केजरीवाल आणि दिल्ली सरकारचे सारे मंत्री रविवारी लोकांशी फोनवर संवाद साधणार आहेत व त्यांच्या प्रश्नांची उत्तरे देत हा दिवस साजरा करणार आहेत. लोकचळवळीतून जन्मलेल्या ‘आप’चा आक्रमक अवतार, राजकारणात अभावानेच आढळणारे प्रामाणिक व पारदर्शी कामकाज, दांडगा लोकसंपर्क असे सारेच गुण आश्वासक आहेत. राजकीय समरांगणातला हा नवा प्रयोग दिल्लीकराना भावला आहे. आता दिग्विजयाचा नवा विक्रम प्रस्थापित करण्यासाठी ‘आप’ ची पंजाबमधे घोडदौड सुरू झाली आहे.भारतीय राजकारणात पंतप्रधान मोदींच्या तुलनेत मुख्यमंत्री केजरीवालही आता आम आदमी पक्षाचा ब्रँड बनले आहेत. लोकसभा निवडणुकीपूर्वी मोदींचा राजकीय ब्रँड त्यांच्या प्रसिध्दी मॅनेजर्सनी घडवला होता. केंद्रात भाजपाचे सरकार सत्तेवर आल्यानंतर पहिल्या २0 महिन्यातच मोदी ब्रँड ला जोरदार धक्के बसायला सुरूवात झाली. दिल्लीत वर्षापूर्वी ७0 पैकी ६७ जागा जिंकून केजरीवालांनी मोदी ब्रँडला पहिला झटका दिला. प्रयत्नपूर्वक आपली प्रतिमा लोकांसमोर सादर केली. वर्षभराच्या सत्तेनंतरही कुठेही तिला तडा जाऊ दिला नाही. जनमानसात जे परसेप्शन केजरीवालांनी तयार केले तीच त्यांची शक्ति आहे. आजवरच्या त्यांच्या यशस्वी कारकिर्दीचा आलेखही निश्चितच प्रभावी आहे. आयआयटी खरगपूरमधून मेकॅनिकल इंजिनिअरची पदवी प्राप्त केलेले केजरीवाल, भारतीय राजस्व सेवेत आयकर विभागाचे सह- आयुक्त होते. सामुदायिक नेतृत्वाच्या प्रयोगासाठी २00६ साली त्यांना मॅगेसेसे पुरस्कार मिळाला. भ्रष्टाचाराच्या विरोधात देशातला लक्षवेधी संग्राम उभा करताना विभिन्न क्षेत्रातले हजारो सहकारी त्यांनी जमवले. कालांतराने थेट राजकारणाच्या परिघात झेप घेत, एकदा नव्हे तर दोनदा ऐतिहासिक बहुमत मिळवून ते दिल्लीचे मुख्यमंत्री बनले. केजरीवालांच्या अजेंड्याचे विच्छेदन करताना राजकीय विश्लेषक सुरूवातीला म्हणायचे, ‘आप’ चा अजेंडा ना वास्तववादी आहे ना व्यावहारिक. केजरीवालांनी मात्र त्याकडे लक्ष न देता आपला मार्ग शोधून काढला. राजकारणात इतर नेत्यांपेक्षा ते वेगळे आहेत. अजेंड्याचा पाठपुरावा करताना आपल्या तत्त्वांशी ते तडजोड करीत नाहीत. दिल्लीत प्रदूषणासारख्या गंभीर समस्येवर मात करण्यासाठी कॅलेंडरच्या सम विषम तारखानुसार (आॅड/इव्हन) वाहनांच्या फेऱ्यांचा जगावेगळा विलक्षण पर्याय त्यांनी अजमावला. दिल्ली सरकारचा दैनंदिन कारभार सांभाळताना, केंद्र सरकार आणि नायब राज्यपालांशी झुंज देत प्रसिध्दीच्या वेगवेगळ्या व्यासपीठांचा त्यांनी कौशल्याने वापर केला. लोकचळवळीत सोशल मीडियाचा प्रभावी वापर केजरीवालांनी सर्वप्रथम केला होता. मुख्यमंत्री बनल्यानंतर रेडिओ आणि व्हॉटस् अ‍ॅपचे माध्यमही त्यांनी झटपट आत्मसात केले. ‘आप’ चे सरकार वर्षापूर्वी सत्तेवर आले तेव्हा दिल्लीकर जनतेला केजरीवालांनी ७0 आश्वासने दिली होती. त्यापैकी वीज बील निम्म्या रकमेवर आणणे व प्रत्येक कुटुंबाला २0 हजार लिटर्स पाणी मोफत देणे या आश्वासनांची केजरीवालांच्या टीकाकारांनी जोरदार खिल्ली उडवली होती. स्वस्त लोकप्रियतेसाठी दिलेल्या या आश्वासनांच्या पूर्ततेसाठी सरकार पैसे कुठून आणणार, असे सवालही विचारले गेले. प्रत्यक्षात भ्रष्टाचार रोखून जे पैसे दिल्ली सरकारने वाचवले, त्यातून जनतेला या सबसिडीचा लाभ सरकारने मिळवून दिला. दिल्लीकराना पाणी फुकट पुरवले तर दिल्लीच्या जल बोर्डाचे एके दिवशी दिवाळे निघेल, अशी टीकाही होत होती. तथापि गत वर्षाच्या तुलनेत जल बोर्डाचे महसुली उत्पन्न १७६ कोटी रूपयांनी वाढले. पूर्वीच्या तुलनेत दररोज ३0 लाख गॅलन्स पाण्याची बचतही होऊ लागली. वर्षभरातले हे वास्तव. दिल्लीकर जनतेच्या हार्दिक सहकार्यामुळेच हा चमत्कार शक्य झाला, असे केजरीवाल म्हणतात. हवेतले जीवघेणे प्रदूषण आणि दिल्लीतल्या रस्त्यांवरील वाहनांची गर्दी कमी करण्यासाठी, केजरीवालांनी घेतलेल्या वाहनांच्या ‘आॅड/इव्हन’ फेऱ्यांच्या धाडसी निर्णयाचेही दिल्लीकरांनी मनापासून स्वागत केले. देशातल्या तमाम शहरांनी अनुकरण करावे, असाच हा प्रयोग आहे. आॅप्टिकल फायबर, हॉटस्पॉटसारखे नवे पर्याय उपलब्ध झाल्याने येत्या तीन महिन्यात फ्री वायफायचा निर्णयही दिल्ली सरकार घेईल. ही सेवा मोफत दिल्यानंतरही सरकारचे महसुली उत्पन्न वाढेल, असा केजरीवालांचा दावा आहे. स्वच्छ व पारदर्शी कारभार करून, भ्रष्टाचाराला परिणामकारक वेसण घालणारे सरकार चालवता येते, हे केजरीवालांनी वर्षभरात सिध्द करून दाखवले आहे.दिल्लीत मोदी सरकार आणि भाजपाची भूमिका नकारात्मक राजकारणाची आहे. दिल्लीतल्या तीनही महापालिका आणि नवी दिल्ली नगरपरिषद(एनडीएमसी)चा कारभार सध्या भाजपा आणि मोदी सरकारच्या हाती आहे. महापालिका सफाई कामगारांच्या बेजबाबदार संपाला चिथावणी देऊ न, दिल्ली महानगरात जागोजागी कचऱ्याचे ढीग साठवण्यास भाजपाचा राजकीय आततायीपणा कारणीभूत ठरला. या प्रकरणात जनमानसात भाजपाने स्वत:चे हसे करून घेतले. नायब राज्यपाल नजीब जंग यांनी केंद्र सरकारच्या इशाऱ्यावर जागोजागी दिल्ली सरकारची अडवणूक करण्याचा चालवलेला पोरखेळ, त्यांच्या घटनात्मक पदाला लाज आणणारा आहे. दिल्लीकर जनता मात्र ठामपणे केजरीवालांच्या पाठीशी उभी आहे. मोदी ब्रँडच्या तुलनेत दिल्लीत तरी केजरीवाल ब्रँड त्यामुळेच अधिक लोकप्रिय आहे. वर्षभराच्या प्रवासात अण्णा हजारेंसारखे समाजसेवक केजरीवालांशी फटकून वागले. प्रशांत भूषण, योगेंद्र यादव यासारख्या सहकाऱ्यांनी सवता सुभा उभा करण्याचा खटाटोप चालवला आहे. प्रत्यक्षात हे सारे जण केजरीवालांनी उभ्या केलेल्या आश्वासक दुनियेतले परप्रकाशित ग्रह होते. भ्रष्टाचार विरोधी लढाईत अण्णा हजारे तर केवळ बुजगावण्याच्या भूमिकेत होते, हे देखील वर्षभरात सिध्द झाले आहे. लोकचळवळीतून सत्तेवर आलेल्या सरकारांचा आजवरचा इतिहास फारसा उत्साहवर्धक नाही. वानगीदाखल आसाम गणपरिषद हे त्याचे एक उदाहरण. या इतिहासाला केजरीवालांचे ‘आप’ सरकार मात्र तूर्त तरी एक सन्माननीय अपवाद ठरले आहे.