Fact Check: पंतप्रधान मोदींच्या विजयाचा दावा करणारा राहुल गांधींचा 'तो' Video एडिटेड!
By ऑनलाइन लोकमत | Published: May 17, 2024 05:29 PM2024-05-17T17:29:20+5:302024-05-17T17:44:21+5:30
Fact Check : काँग्रेसचे नेते राहुल गांधी यांचा एक व्हिडीओ सोशल मीडियावर जोरदार व्हायरल होत आहे. नरेंद्र मोदी 4 जून 2024 रोजी पंतप्रधान होणार आहेत असं राहुल गांधी यांनी म्हटलं आहे. मात्र हा व्हिडीओ दिशाभूल करणारा आहे.
Fact Check: पंतप्रधान मोदींच्या विजयाचा दावा करणारा राहुल गांधींचा 'तो' Video एडिटेड!
Created By: Newschecker
Translated By: ऑनलाइन लोकमत
लोकसभा निवडणुकीच्या प्रचारादरम्यान काँग्रेसचे नेते राहुल गांधी यांचा एक व्हिडीओ सोशल मीडियावर जोरदार व्हायरल होत आहे. नरेंद्र मोदी 4 जून 2024 रोजी पंतप्रधान होणार आहेत असं राहुल गांधी यांनी म्हटलं आहे.
पोस्टचे अर्काइव्ह येथे पाहता येईल.
न्यूजचेकरला WhatsApp टीपलाइन (+91 9999499044) वर अनेक युजर्सद्वारे समान दावा मिळाला असून त्याची सत्यता तपासण्याची विनंती करण्यात आली आहे.
Fact
सोशल मीडियावर व्हायरल होत असलेल्या दाव्याची पडताळणी करण्यासाठी, आम्ही व्हिडिओच्या मुख्य फ्रेमचा Google रिव्हर्स इमेज सर्च केला. याच दरम्यान, आज तक द्वारे 10 मे 2024 रोजी पोस्ट केलेल्या यूट्यूब शॉर्टमध्ये व्हायरल क्लिपसारखी दृश्ये दिसली. आजतकने शेअर केलेल्या व्हिडिओमध्ये राहुल गांधींनी "नरेंद्र मोदी हिंदुस्तान का प्रधानमंत्री नहीं बन सकता है" असं म्हटलं आहे. कानपूरमध्ये झालेल्या सभेत राहुल गांधींनी हे विधान केल्याचं व्हिडिओसोबत सांगण्यात आलं आहे.
Courtesy: Aaj Tak
कानपूरमध्ये झालेल्या राहुल गांधींच्या रॅलीचा व्हिडिओ आम्ही शोधला. आम्हाला 10 मे 2024 रोजी भारतीय राष्ट्रीय काँग्रेसच्या अधिकृत YouTube चॅनेलवर लाइव्ह स्ट्रीम केलेला व्हिडीओ सापडला. व्हिडिओमध्ये 46:04 मिनिटांनी, आम्हाला व्हायरल क्लिपचा भाग पाहायला मिळतो. पण लाइव्ह स्ट्रीम व्हिडिओमध्ये "4 जून 2024... नरेंद्र मोदी हिन्दुस्तान के प्रधानमन्त्री नहीं रहेंगे! आप लिख के ले लो … आप लिख के ले लो… नरेंद्र मोदी जी हिन्दुस्तान के प्रधानमन्त्री नहीं बन सकते हैं! हमने जो करना था … जो काम … जो मेहनत करनी थी … वो कर दी है… अब आप देखना उत्तर प्रदेश में हमारे गठबंधन को 50 से कम एक सीट नहीं मिलने वाली है।…" असं राहुल गांधी म्हणताना दिसत आहेत.
व्हायरल क्लिप एडिट करून राहुल गांधींचं विधान बदलण्यात आलं आहे. "4 जून 2024... नरेंद्र मोदी हिन्दुस्तान के प्रधानमन्त्री नहीं रहेंगे!" मधून ‘नहीं’ हा शब्द हटवला आहे आणि "अब आप देखना उत्तर प्रदेश में हमारे गठबंधन को 50 से कम एक सीट नहीं मिलने वाली है" मधून ’50 से कम’ हटविण्यात आलं आहे.
Courtesy: Indian National Congress
टाइम्स ऑफ इंडियाने 10 मे 2024 रोजी राहुल गांधींच्या या रॅलीचं वृत्त दिलं होतं. ‘Rahul Gandhi Says ‘Good Bye’ To Modi; Says He Can’t Be India’s PM I Congress Kanpur Rally’ असं या रिपोर्टमध्ये म्हटलं आहे. रिपोर्टसोबत राहुल गांधी यांच्या भाषणाची क्लिपसुद्धा शेयर करण्यात आली आहे. ज्यामुळे हे स्पष्ट होतं की व्हायरल व्हिडीओ एडिटेड आहे.
तपासादरम्यान आम्हाला आढळून आलं की, राहुल गांधींचा हा व्हायरल व्हिडीओ एडिट करण्यात आला आहे.
Result: Altered Photo/Video
Sources
Live stream posted on the official You tube channel of Indian National Congress on 10th May 2024.
Report by Aaj Tak on 10th May 2024.
Report by Times of India on 10th May 2024.
(सदर फॅक्ट चेक Newschecker या वेबसाइटने प्रसिद्ध केलं आहे. 'शक्ती कलेक्टिव्ह'चा भाग म्हणून 'लोकमत डॉट कॉम'ने त्याचा अनुवाद केला आहे.)