बॉलिवूडच्या या 6 कलाकारांनी लग्नाची केली मारली हॅट्रीक

आज आम्ही तुम्हाला अशा काही कलाकारांबद्दल सांगणार आहोत ज्यांनी एक नाही, दोन नाही तर तब्बल तीन पेक्षा जास्त लग्ने केली आहेत. 

(Image Credit : bollywoodshaadis.com)

बॉलिवूड कलाकारांची लग्ने आणि अफेअर्स नेहमीच चर्चेचा विषय ठरतात. कलाकारांची ही लग्ने चर्चेत राहण्याची वेगवेगळी कारणे आहेत. कुणी लपून छपून लग्नामुळे चर्चेत असतात तर कुणी खूप उशिरा लग्न केल्याने. दोन लग्नांमुळे तर अनेक कलाकार चर्चेत असतात. आज आम्ही तुम्हासा अशा काही कलाकारांबद्दल सांगणार आहोत ज्यांनी एक नाही, दोन नाही तर तब्बल तीन पेक्षा जास्त लग्ने केली आहेत. 

किशोर कुमार 

प्रसिद्ध गायक, अभिनेते किशोर कुमार यांनी तब्बल 4 लग्ने केली होती. किशोर दा यांनी पहिलं लग्न 1950 मध्ये रुमा गुहा ठाकुर्तासोबत केलं होतं. त्यांचं हे लग्न आठ वर्ष टिकलं. त्यानंतर किशोर दा यांनी अभिनेत्री मधुबालासोबत 1960 मध्ये लग्न केलं. मधुबाला यांच्या निधनानंतर किशोर कुमार यांनी अभिनेत्री योगिता बालीसोबत लग्न केलं. मात्र दोन वर्षातच हे लग्न मोडलं आणि 1980 मध्ये किशोर कुमार यांनी अभिनेत्री लिना चंदावरकरसोबत लग्न केलं. 

लकी अली

मल्टीटॅलेंटेड लकी अली यानेही तब्बल तीन लग्ने केली. त्याची पहिली पत्नी मेगन जेन मॅक्लिअरी ही न्यूझीलंडची होती. तिने लकीच्या ओ सनम या अल्बममध्ये काम केलं होतं. त्यांना दोन मुलंही आहेत. त्यानंतर लकी अलीची तिसरी पत्नी इनाया ही होती. इनायालाही दोन मुलं आहेत. नंतर 2010 मध्ये लकी अलीने एका ब्रिटीश मॉडेलसोबत लग्न केलं. त्यांनाही एक मुलगा आहे. 

सिद्धार्थ रॉय कपूर

बॉलिवूड निर्माता सिद्धार्थ रॉय कपूर याने इंडस्ट्रीतील बोल्ड अॅन्ड ब्यूटीफूल विद्या बालनसोबत लग्न केलं. सिद्धार्थ रॉय कपूर याचीही य़ाआधी दोन लग्ने झाली आहेत. त्याची पहिली पत्नी त्याची बालपणीची मैत्रीण होती. तर दुसरी पत्नी टीव्ही प्रोड्युसर होती ते 2011 मध्ये वेगळे झाले. विद्यासोबत त्याने 2012 मध्ये लग्न केलं. 

संजय दत्त

बॉलिवूडचा खलनायक संजय दत्त याचीही तीन लग्ने झाली आहेत. मान्यतासोबत लग्न करण्याआधी त्याने दोनदा लग्न केलं होतं. त्याची पहिली पत्नी रिचा शर्मा ही होती. रिचाचा 1996 मध्ये ब्रेन ट्यूमरने मृत्यू झाला. त्यानंतर त्याने रिहा पिल्लईसोबत लग्न केले होते. 2005 मध्ये त्यांचा घटस्फोट झाला.

विदू विनोद चोप्रा

थ्री इडियट या सिनेमाचा निर्माता विदू विनोद चोप्रा याचीही तीन लग्ने झाली आहेत. त्याची पहिली पत्ना फिल्म एडिटर रेणु सलुजा ही होती. त्यानंतर त्याने शबनम सुखदेवसोबत लग्न केले होते. नंतर दोघांनी घटस्फोट घेतला. त्यानंतर विदू विनोद चोप्राने सिने समीक्षक, लेखिका अनुपमा चोप्रासोबत लग्न केलं.

करण सिंह ग्रोवर

तीन लग्न झालेल्या कलाकारांचा क्लब नुकताच मॉडल-अभिनेता करण सिंह ग्रोवर याने जॉईन केला. त्याने 2008 मध्ये टीव्ही अभिनेत्री श्रद्धा निगमसोबत लग्न केलं होतं. पण केवळ 10 महिन्यात त्यांचा घटस्ऱोट झाला. त्यानंतर करणने अभिनेत्री जेनिफर विेगेटसोबत लग्न केलं. त्यांनी 2012 मध्ये लग्न केलं आणि 2014 मध्ये ते वेगळे झाले. त्यानंतर करणने बिपाशा बसूसोबत लग्न केले.