'सुख म्हणजे नक्की काय असतं'मध्ये नवा ट्विस्ट, गौरीला दरीत ढकलणाऱ्या जयदीपचा होणार उलगडा

Sukh Mhanje Nakki Kay Asata: 'सुख म्हणजे नक्की काय असतं' ही मालिका सध्या उत्कंठावर्धक वळणावर आली आहे.

'सुख म्हणजे नक्की काय असतं' (Sukh Mhanje Nakki Kay Asata) ही मालिका मराठी टेलिव्हिजनवरील लोकप्रिय मालिकांपैकी एक आहे. ही मालिका सध्या उत्कंठावर्धक वळणावर आली आहे. या मालिकेत नुकताच ट्विस्ट आला आहे. अखेर गौरीला दरीत ढकलणाऱ्या जयदीपचा उलगडा मालिकेत होणार आहे. 

सुख म्हणजे नक्की काय असतं मालिकेचा नवा प्रोमो नुकताच प्रदर्शित करण्यात आला आहे. यात पाहायला मिळत आहे की जयदीप चक्कर येऊन खाली पडतो आणि त्याच्या बाजूला त्याच्यासारखाच दिसणारा दुसरा जयदीप दिसतो आहे. त्यानंतर देवकी बोलते की दुसऱ्या जयदीपला मी रंग लावणार हा..त्यावर शालिनी बोलते थांब त्याला खऱ्या रंगात येऊ दे. त्यानंतर तो चेहऱ्यावरचा मास्क काढतो तर तो देवकीचा भाऊ अनिल असतो. आता शालिनी, देवकी आणि अनिल हे तिघे मिळून गौरी विरोधात काय कट रचतात आणि त्यांचा हा प्लान आधीच गौरीला कळेल का, हे पाहणे कमालीचे ठरणार आहे. हा होळी विशेष भाग २२ मार्चला प्रसारीत होणार आहे. 

याआधीच्या भागात पाहायला मिळाले होते की, आपण आई-बाबा होऊ शकणार नाही ही गोष्ट लक्षात येताच जयदीप गौरीने सरोगसीद्वारे मुलाला जन्म देण्याचे ठरवतात. यासाठी मानसी पुढाकारही घेते. मात्र मानसीचा खरा डाव आता गौरीला कळतो. गौरी आई होऊ शकत नाही असे खोटे रिपोर्ट्स मानसीने शालिनीच्या मदतीने तयार केले. गौरीसमोर हे सर्व सत्य समोर येते. शालिनी आणि मानसीचं षडयंत्र गौरी जयदीपला सांगण्याचा प्रयत्न करत असताना त्याने मात्र तिचं म्हणणं ऐकून न घेता तिला उंच  कड्यावरून ढकलून दिले होते. अखेर आता या सर्वाचा उलगडा मालिकेत होणार आहे.