Aai Kuthe Kay Karte :अरुंधती आणि आशुतोषला एक रात्र राहणार मुंबई बाहेर, अनिरुद्धचा संताप अनावर

छोट्या पडद्यावरील 'आई कुठे काय करते' (aai kuthe kay karte) या मालिकेने लोकप्रियतेच्या बाबतीत एक वेगळीच उंची गाठली आहे. आजवर छोट्या पडद्यावर असंख्य मालिका आल्या. परंतु, आई कुठे काय करते या मालिकेने पहिल्या भागापासून प्रेक्षकांच्या मनावर राज्य करण्यास सुरुवात केली. विशेष म्हणजे आजही मालिका लोकप्रियतेच्या यादीत पहिल्या स्थानावर असल्याचं पाहायला मिळतं. सध्या अरुंधतीच्या आयुष्यात अनेक नवनवीन वळणं येत आहेत. अरुंधतीचं पहिलं गाण्याचं नुकतंच रेकॉर्ड झालंय. 

आई कुठे काय करते मालिकेचा नवीन प्रोमो नुकताच समोर आला आहे. गाणं रेकॉर्डिंग परत असताना अरुंधती आणि आशुतोष एका ठिकाणी चहा घ्यायला थांबता तेवढ्यात ड्रायव्हर येऊन सांगतो, साहेब पोलिसांनी रस्ता बंद केलायं. टँकर पलटी झाल्यामुळे रस्ता बंद करणार आला आहे, असं प्रोमोमध्ये दिसतंय... रस्ता बंद झाल्यामुळे अरुंधती आणि आशुतोषला मुंबई बाहेर रात्र काढावी लागणार आहे. 

 तर दुसरीकडे आशुतोष आणि अरुंधतीची वाढती मैत्री अनिरुद्धला पटत नाही आहे. त्यामुळे तो आशुतोषचे घरात नाव जरी घेतले तरी त्याचा जळफळाट होताना दिसत आहे. आशुतोष आणि अरुंधती मुंबई बाहेर एक दिवस राहणार हे कळल्यावर तो या गोष्टीचा नक्कीच वेगळा अर्थ काढणार. अरुंधती घरी परतल्यावर अनिरुद्ध आता काय नवीन गोंधळ घालणार हे पाहवं लागणार आहे.