Aai Kuthe Kay Karte मालिकेला ३ वर्ष पूर्ण; कलाकारांचा एकत्रित व्हिडिओ व्हायरल

'आई कुठे काय करते' मालिकेचा पहिला एपिसोड २३ डिसेंबर २०१९ रोजी प्रदर्शित झाला होता. त्यानंतर आज ३ वर्ष झाले तरी मालिका यशस्वीपणे प्रेक्षकांचे मनोरंजन करत आहे.

Aai Kuthe Kay Karte : घराघरात पाहिली जाणारी स्टार प्रवाह (Star Prawah) वाहिनीवरील मराठी मालिका 'आई कुठे काय करते'. मालिकेला आज तब्बल ३ वर्ष पूर्ण होत आहेत. २३ डिसेंबर २०१९ रोजी मालिकेचा पहिला एपिसोड प्रदर्शित झाला होता. त्यानंतर आज ३ वर्ष झाले तरी मालिका यशस्वीपणे प्रेक्षकांचे मनोरंजन करत आहे.

'आई कुठे काय करते' याचं टायटल सॉंग संध्याकाळी घराघरात ऐकू येतं. मालिकेची वेळ झाली की मंडळी टीव्हीसमोरच असतात हे अनेक घरातलं चित्र असेल.या मालिकेतून आई ची भुमिका साकारणाऱ्या अरुंधती म्हणजेच मधुराणी गोखलेने (Madhurani Gokhale) चाहत्यांच्या मनात घर केले. तसेच मिलिंद गवळी (Milind Gawli) अनिरुद्धची भुमिका उत्तम निभावतआहेत. खरंच एखाद्याला चीड येईल असा त्यांचा अभिनय आहे. रुपाली भोसलेने (Rupali Bhosale) केलेली संजनाची भुमिकाही दमदार आहे. तसेच मालिकेतील इतर पात्रही प्रेक्षकांना त्यांच्या घरातलीच वाटू लागली आहेत. मध्यंतरी मालिकेला प्रचंड ट्रोल केलं गेलं. आता मालिका बंद करा असाही सूर होता पण अजुनही आई कुठे काय करते मालिका टीआरपीच्या रेसमध्ये टॉप ३ मध्ये आहे. 

स्टार प्रवाहने शेअर केला व्हिडिओ 

'आई कुठे काय करते' मालिकेला ३ वर्षे पूर्ण झाल्याबद्दल स्टार प्रवाहने एक व्हिडिओ शेअर केला आहे. यामध्ये कलाकारांच्या फोटोंचे कोलाज केले आहे. बॅकग्राउंडला मालिकेचे टायटल सॉंग चालते जे बघून अंगावर शहारा आल्याशिवाय राहत नाही. 

View this post on Instagram

A post shared by Star Pravah (@star_pravah)

सध्या मालिकेत अरुंधती आणि आशुतोष जवळ येत आहेत तर दुसरीकडे आशुतोषची बालपणीची मैत्रीण अनुष्काची देखील मालिकेच एंट्री झाली आहे. अनघा आणि अभिषेकची भांडणं सुरू झाली आहेत. देशमुखांच्या घरात अनघाच्या बाळाचं आगमन झालं आहे . अनुष्काच्या येण्यानं कांचन आई तिला तू आशुतोषची लग्न कर असा सल्ला देते. अनुष्काच्या येण्यानं आता अरुंधती आणि आशुतोष यांच्यात दुरावा निर्माण होणार का याकडे सर्वांचं लक्ष लागलं आहे.