Video :‘परश्या’नं आमिरलाही याडं लावलं...! I LOVE YOU म्हणत अशी मारली कडकडून मिठी

Jhund, Akash Thosar : ‘सैराट’ या चित्रपटातला परश्या आज स्टार झालाये. होय, ‘सैराट’ रिलीज झाला आणि परश्या एका रात्रीत स्टार झाला. आता काय तर बॉलिवूडमध्येही त्याची चलती आहे. इतकी की, बॉलिवूडचा मिस्टर परफेक्शनिस्ट आमिर खान हाही परश्याच्या प्रेमात पडला आहे.

‘सैराट’ या चित्रपटातला परश्या आज स्टार झालाये. होय, ‘सैराट’ रिलीज झाला आणि परश्या एका रात्रीत स्टार झाला. आता काय तर बॉलिवूडमध्येही त्याची चलती आहे. इतकी की, बॉलिवूडचा मिस्टर परफेक्शनिस्ट आमिर खान (Aamir  Khan)हाही परश्याच्या प्रेमात पडला आहे. आम्ही बोलतोय ते अभिनेता आकाश ठोसरबद्दल (Akash Thosar).

आकाश पुन्हा एकदा नागराज मंजुळेंच्या ‘झुंड’ (Jhund) या सिनेमात महत्त्वपूर्ण भूमिका साकारताना दिसणार आहे.  ‘झुंड’ या चित्रपटात अमिताभ बच्चन मुख्य भूमिकेत आहेत. पण आकाशचीही जाम हवा आहे. विश्वास बसत नसेल तर हा व्हिडीओ तुम्ही बघायलाच हवा. होय,‘झुंड’मधील आकाशचा अभिनय पाहून आमिर खान इतका गदगद झाला की, त्याने आकाशला कडकडून मिठी मारली. इतकंच नाही तर आय लव्ह यू म्हणत, त्याची पाठही थोपटली.

 
आकाशने काही तासांपूर्वीच त्याच्या इन्स्टाग्राम अकाऊंटवर आमिरसोबचा हा व्हिडीओ शेअर केला आहे. झुंडच्या प्रवासातील एक सुंदर क्षण... माझं कौतुक केल्याबद्दल आभार आमिर सर, असं कॅप्शन त्याने या व्हिडीओला दिलं आहे.

व्हिडिओमध्ये आमिर खान ‘झुंड’ मधील कलाकारांची भेट घेताना दिसून येत आहे. आकाश ठोसर समोर दिसतो आणि आमिर त्याला कडाडून मिठीच मारतो. त्याच्या भूमिकेचं तोंडभरुन कौतुक करतो. आय लव्ह यू... तुझी ही भूमिका मला दे... असं हसत हसत म्हणत आमिर आकाशवरील आपलं प्रेम व्यक्त करतो. त्यावेळी आकाशच्या चेहºयावर एक वेगळाच आनंद पाहायला मिळतो.  

आकाशच्या या व्हिडीओवर चाहत्यांनी भरभरून प्रतिक्रिया दिल्या आहेत. कडक, हे तर होणारच आकाश तुझी अ‍ॅक्टिंगच जबरदस्त आहे, भाई तू पुढचा मराठी आयकॉन आहेस, अशा प्रतिक्रिया चाहत्यांनी दिल्या आहेत.

नागराज मंजुळे दिग्दर्शित आणि अमिताभ बच्चन स्टारर ‘झुंड’ हा चित्रपट 4 मार्च रोजी चित्रपटगृहात प्रदर्शित होणार आहे. या चित्रपटात अमिताभ बच्चनसोबत अभिनेता आकाश ठोसर, सोमनाथ अवघडे आणि अरबाज शेखसुद्धा आहे. तसेच या चित्रपटात रिंकू राजगुरूचीदेखील छोटीशी भूमिका पाहायला मिळणार आहे.