हॉकी स्टिकने माधुरीने केली होती आमिरला मारहाण; कारण ऐकून व्हाल दंग

Madhuri dixit: 'खंबे जैसी खडी है' या गाण्याचं चित्रीकरण सुरु असताना एक मजेदार किस्सा घडला होता. यात आमिर चक्क माधुरीच्या हातावर थुंकला होता.

बॉलिवूड अभिनेता आमिर खान (Aamir Khan)  सध्या त्याच्या अपकमिंग लाल सिंह चड्ढा (lal singh chaddha) या चित्रपटामुळे चर्चेत येत आहे. अलिकडेच या चित्रपटाचा ट्रेलर प्रदर्शित झाला. हा ट्रेलर पाहून नेटकऱ्यांनी संमिश्र प्रतिक्रिया दिली आहे. आपल्या दमदार अभिनयामुळे कायम चर्चेत येणाऱ्या आमिरचा सध्या एक जुना किस्सा चर्चेत येत आहे. यात सेटवर अभिनेत्री माधुरी दीक्षितसोबत (Madhuri Dixit) प्रँक करणं त्याला चांगलंच महागात पडलं होतं.

१९९० साली प्रदर्शित झालेली दिल (dil) हा चित्रपट साऱ्यांच्याच लक्षात असेल. या चित्रपटात आमिर आणि माधुरी मुख्य भूमिकेत झळकले होते. या चित्रपटातील 'खंबे जैसी खडी है' या गाण्याचं चित्रीकरण सुरु असताना एक मजेदार किस्सा घडला होता. यात आमिर चक्क माधुरीच्या हातावर थुंकला होता. त्यामुळे रागाच्या भरात माधुरी त्याच्या मागे हॉकी स्टिक घेऊन धावली होती.

नेमका काय घडला होता प्रकार?

आमिर खानला सेटवर प्रत्येकासोबत काही ना काही मजेशीर प्रँक करायची सवय आहे. त्यामुळेच दिलच्या सेटवरही त्याने माधुरी सोबत प्रँक केला. मला हात पाहून भविष्य सांगता येतं असं त्याने माधुरीला सांगितलं. त्यामुळे उत्साहात माधुरीनेदेखील तिचा हात त्याच्या पुढे केला. पण, यावेळी आमिर पटकन तिच्या हातावर थुंकला. आमिरचं हे वागणं माधुरीसाठी अनपेक्षित होतं. याविषयी माधुरीने एका मुलाखतीतही भाष्य केलं होतं. "त्यावेळी मला खरंच धक्का बसला होता. आमिरसारख्या व्यक्तीकडून मला अजिबात ही अपेक्षा नव्हती",असं माधुरी म्हणाली.  आमिरने केलेल्या या आगाऊपणाचा बदला घेण्यासाठी माधुरी हॉकी स्टिक घेऊन त्याला मारायला निघाली. 

आमिरने दिलं त्या वागण्यामागचं स्पष्टीकरण

करण जोहरच्या कॉफी विथ करण या कार्यक्रमात आमिरने या गोष्टीचा खुलासा केला. माधुरीसोबत त्याने ही मस्करी का केली हे त्याने सांगितलं. "मी ज्या ज्या अभिनेत्रीच्या हातावर थुंकलो त्या टॉप अॅक्ट्रेस झाल्या. जुही चावलासोबतही मी हा प्रँक केला होता," असं आमिर म्हणाला.

दरम्यान, आमिरने केलेल्या प्रँकमुळे माधुरीने त्याला माफ केलं. मात्र, जुहीने त्याला अजिबात माफ केलं नव्हतं. त्याच्या या गोष्टीमुळे तिने जवळपास ६ वर्ष त्याच्यासोबत अबोला धरला होता.