'३ इडियट्स'मधील रँचोच्या भूमिकेसाठी आमिर खान नव्हता पहिली पसंती, सिनेमा नाकारल्याचं अभिनेत्याला होतोय पश्चाताप

3 Idiots Movie : २००९ मध्ये, आमिर खान आणि राजकुमार हिराणी यांच्या ब्लॉकबस्टर चित्रपट '३ इडियट्स'मध्ये रँचोची भूमिका बॉलिवूडच्या या सुपरस्टारला ऑफर करण्यात आली होती, ज्याने २०२३ मध्ये एक नव्हे तर तीन ब्लॉकबस्टर चित्रपट दिले आहेत.

२००९ साली ३ इडियट्स (3 Idiots) हा ब्लॉकबस्टर चित्रपट रिलीज झाला होता, ज्यात आमिर खान (Aamir Khan), आर माधवन (R. Madhavan), शर्मन जोशी (Sharman Joshi), करीना कपूर खान (Kareena Kapoor Khan) आणि बोमन इराणी (Boman Irani) मुख्य भूमिकेत झळकले होते. या चित्रपटाचे दिग्दर्शन राजकुमार हिराणी यांनी केले होते. ५५ कोटींच्या बजेटमध्ये बनलेल्या या चित्रपटाची कमाई ४०० कोटींच्या पुढे गेली होती. या चित्रपटाला देशातच नाही तर परदेशातही पसंती मिळाली होती. पण तुम्हाला माहीत आहे का की, आमिर खानच्या आधी ही भूमिका दुसऱ्या कोणाला ऑफर झाली होती. मात्र, शेवटी मिस्टर परफेक्शनिस्टला ३ इडियट्स मिळाला. मात्र हा चित्रपट नाकारल्याचा सुपरस्टारला पश्चाताप होत आहे.

खरेतर आमिर खानने साकारलेल्या रँचोच्या भूमिकेसाठी सुपरस्टार शाहरुख खानची निवड करण्यात आली होती. मात्र, यादरम्यान तो २०१० मध्ये प्रदर्शित झालेल्या माय नेम इज खान या चित्रपटाचे शूटिंग करत होता. यामुळे त्याने हा चित्रपट नाकारला. मात्र, चित्रपटाच्या यशानंतर, त्याने स्वत:ला चौथा इडियट म्हटले ज्याने एका उत्कृष्ट चित्रपटाची ऑफर नाकारली.

चित्रपटाची कथा आहे फरहान, राजू आणि रँचोची

विशेष म्हणजे या चित्रपटाची कथा ही फरहान, राजू आणि रँचोची आहे, जी कॉलेज आणि करिअरवर आधारित आहे. यात फरहान आणि राजू त्यांच्या चांगला मित्र रँचोचा शोध घेताना दिसत आहेत. IMdb च्या म्हणण्यानुसार, चित्रपट उलट चित्रित करण्यात आला होता, ज्यामध्ये आधुनिक काळातील दृश्ये प्रथम चित्रित केली गेली आणि नंतर महाविद्यालयीन दृश्ये.

वर्कफ्रंट

वर्कफ्रंटबद्दल बोलायचे झाले तर सुपरस्टार शाहरुख खानसाठी २०२३ हे वर्ष ब्लॉकबस्टर ठरले. प्रथम पठाण, ज्याने वर्षाच्या सुरुवातीला १००० कोटींचा आकडा पार केला आणि त्यानंतर जगभरात ११०० कोटींचा आकडा पार करणारा जवान. वर्षाच्या शेवटी, किंग खानचा डंकी ३ इडियट्स दिग्दर्शक राजकुमार हिरानीसोबत आला, ज्याने बजेटपेक्षा जास्त कमाई केली. तो हिट ठरला.