आमीर करणार 'सरफरोश' चित्रपटाचा सिक्वेल
By Admin | Published: March 26, 2016 11:53 AM2016-03-26T11:53:48+5:302016-03-26T11:57:43+5:30
1999मध्ये आलेल्या आमीर खानच्या या 'सरफरोश' चित्रपटाचा सिक्वेल येणार आहे. 'पुढील वर्षीपर्यत या चित्रपटाच्या शुटींगला सुरुवात होईल', अशी माहिती दिग्दर्शक जॉन मॅथ्यु मथ्थन यांनी दिली आहे
आमीर करणार 'सरफरोश' चित्रपटाचा सिक्वेल
Next मुंबई, दि. २६ - मिस्टर परफेक्शनिस्ट आमीर खानच्या सुपरहिट चित्रपटांपैकी एक म्हणजे 'सरफरोश'. आजही अनेकांच्या लक्षात हा चित्रपट आहे. या चित्रपटातील गाणी, आमीर खानने निभावलेली पोलीस अधिका-याची व्यक्तिरेखा, नसिरुद्दीन शाह यांचा अभिनय आजही प्रेक्षकांना तितकाच भावतो. 1999मध्ये आलेल्या आमीर खानच्या या 'सरफरोश' चित्रपटाचा सिक्वेल येणार आहे.
'पुढील वर्षीपर्यत या चित्रपटाच्या शुटींगला सुरुवात होईल', अशी माहिती दिग्दर्शक जॉन मॅथ्यु मथ्थन यांनी दिली आहे.
आमीर खानला स्वत: सरफोरशचा सिक्वेल बनाना असं वाटत होतं. आमीर खानने 2013 मध्येच जॉन मॅथ्यूला सिक्वेलसाठी स्क्रिप्टवर काम करण्यासही सांगतिले होते. 'सिक्वेलसाठी थोडा वेळ लागेल. अजून हवी तशी स्क्रिप्ट झालेली नाही. मी सध्या दोन-तीन स्क्रिप्टवर काम करत असल्याने व्यस्त आहे. पुढील वर्षीपर्यंत सिक्वेलवर काम सुरु करेन', अशी माहिती दिग्दर्शक जॉन मॅथ्यु मथ्थन यांनी दिली आहे.
दिग्दर्शक जॉन मॅथ्यु मथ्थन यांनी जास्त माहिती देण्यास नकार दिला मात्र सिक्वेलमध्ये वेगळी कथा असेल असं त्यांनी सांगितलं आहे. आमीर खान सध्या दंगल चित्रपटाच्या शुटींगमध्ये व्यस्त आहे.