अभिनेते दिलीप कुमार यांच्या दोन लहान भावांना झाला कोरोना; लीलावतीमध्ये केले अ‍ॅडमिट...

अभिनेते दिलीप कुमार यांचे दोन लहान भाऊ एहसान खान आणि असलम खान यांना कोरोना झाल्याचे सुत्रांकडून समजतेय.

ज्येष्ठ अभिनेते दिलीप कुमार यांचे दोन लहान भाऊ एहसान खान आणि असलम खान यांना कोरोना झाल्याचे सुत्रांकडून समजतेय. त्या दोघांनाही श्वास घ्यायला त्रास होत असल्याच्या कारणावरून मुंबईतील लीलावती हॉस्पिटलमध्ये अ‍ॅडमिट करण्यात आल्याचे कळतेय. 

I urge you to #StayHomeSaveLives during this #COVID19pandemic

Dawa bhi, dua bhi
Auron se faslaa bhi
Ghareeb ki khidmat
Kamzor ki seva bhi

दवा भी दुआ भी
औरों से फासला भी
ग़रीब कि खिदमत
कमज़ोर कि सेवा भी

— Dilip Kumar (@TheDilipKumar) April 1, 2020

 दिलीप कुमार यांचे हे दोघेही लहान भाऊ असून त्यांना श्वसनाचा त्रास होऊ लागताच डॉक्टरांनी त्यांना अ‍ॅडमिट होण्याबाबत सांगितले. त्यांचे कोरोनाचे अहवालही पॉझिटिव्ह आले आहेत. या दोन्ही भावांचे वय हे ९० वर्षांपर्यंत आहे. गत शनिवारी त्या दोघांनाही श्वास घ्यायला त्रास होऊ लागला. तेव्हा त्यांनी मुंबईचे प्रसिद्ध हृदयरोगतज्ञ डॉ. नितिन गोखले यांना संपर्क साधला. डॉक्टरांनी त्यांना तपासले असता त्यांच्यात ऑक्सिजनची पातळी कमी झाल्याचे सांगितले. त्यांना पहिल्यापासूनच अतिरक्तदाबाची समस्या असल्याने त्यांना लवकरात लवकर हॉस्पिटलमध्ये दाखल होण्यास सांगितले होते. या दोघांचा इलाज जलील पारकर हे करत आहेत. 

Thank you for all your prayers and duas on #Shab_e_baraat My heartfelt prayers for all of you too. pic.twitter.com/h00uEbB0PK

— Dilip Kumar (@TheDilipKumar) April 10, 2020

डॉक्टरांच्या सांगण्यानुसार, असलम आणि एहसान यांची तब्येत फार काही चांगली नाही. ते ट्रीटमेंटला प्रतिसाद देत नाहीयेत. त्यांना खोकला आणि ताप असल्याचेही निदर्शनास आले आहे. मात्र, दिलीप कुमार यांची पत्नी सायरा बानो यांनी सांगितले, ‘ते दोघे लवकरच बरे होऊन घरी येतील, कुणीही काळजी करू नये. त्यांचा उपचार डॉ.जलील पारकर आणि डॉ.निखील गोखले हे दोघे करत आहेत. हे दोघे तज्ञ डॉक्टर आहेत.