ही मराठमोळी अभिनेत्री दिसणार पोलिस अधिकाऱ्याच्या भूमिकेत, फर्स्ट लूक आऊट

‘कारण गुन्ह्याला माफी नाही’ या नव्या मालिकेत ही मराठमोळी अभिनेत्री पोलीस अधिकाऱ्याची भूमिका साकारताना दिसणार आहे.

मराठी कलाविश्वातील लोकप्रिय अभिनेत्री म्हणजे अश्विनी कासार. कलाविश्वाप्रमाणेच अश्विनी सोशल मीडियावर कमालीची सक्रीय आहे. अश्विनीने २०१४ मध्ये कमला या मालिकेतून मराठी कलाविश्वात पदार्पण केलं. अश्विनी अभिनेत्री असण्यासोबतच उत्तम नृत्यांगना आणि लेखिकादेखील आहे. अश्विनीने सोयरे सकळ या नाटकातही महत्त्वपूर्ण भूमिका साकारली आहे. लवकरच  अश्विनी कासार आता एका वेगळ्या भूमिकेतून प्रेक्षकांचे मनोरंजन करण्यासाठी सज्ज झाली आहे. ‘कारण गुन्ह्याला माफी नाही’ या नव्या मालिकेत अश्विनी कासार पोलीस अधिकाऱ्याची भूमिका साकारताना दिसणार आहे. 

अश्विनी या मालिकेत साहाय्यक पोलीस आयुक्तांच्या भूमिकेत प्रेक्षकांसमोर येणार आहे. अश्विनी पहिल्यांदाच पोलिसांच्या भूमिकेत दिसते आहे. याआधी निरनिराळ्या मालिकांमधून आणि निरनिराळ्या व्यक्तिरेखांमधून अश्विनी कासार प्रेक्षकांचे मनोरंजन करत आली आहे. ‘कारण गुन्ह्याला माफी नाही’ ह्या मालिकेची झलक सोनी मराठी वाहिनी प्रेक्षकांसाठी घेऊन आली आहे. 

‘तुमची मुलगी काय करते’ या मालिकेची टीम या मालिकेसाठीच कार्यरत आहे. हरीश दुधाडे आणि चंद्रलेखा जोशी यांच्या गाजलेल्या व्यक्तिरेखांबरोबरच आता अश्विनी कासार हीसुद्धा पोलीस गणवेशात पाहायला मिळणार आहे. यांचे हे स्पेशल ओप्रेशन स्कॉड मालिकेतून आपल्याला पाहायला मिळणार आहे. या मालिकेची झलक जेव्हापासून प्रेक्षकांना पाहायला मिळाली आहे तेव्हापासून प्रेक्षकांमध्ये मालिकेबद्दल चर्चा आणि उत्सुकता निर्माण झाली आहे. अश्विनी साहाय्यक पोलीस आयुक्तांच्या भूमिकेत पाहायला मिळणार आहे. नुकताच तिचा फर्स्ट लूक प्रेक्षकांना पाहायला मिळाला आहे. १ मेपासून सोमवार ते शनिवार रात्री १०.३० वाजता ही मालिका प्रेक्षकांच्या भेटीला येणार आहे.