हवेत गाडी उडवत होणार अजय देवगणची ढासू एन्ट्री, 'सिंघम अगेन'मधून समोर आला दमदार फोटो

Singham Again : सिंघम हा रोहित शेट्टी आणि अजय देवगण यांच्या बहुप्रतिक्षित चित्रपटांपैकी एक आहे. आत्तापर्यंत या चित्रपटाच्या दोन्ही भागांना चाहत्यांनी भरभरून प्रेम दिले आहे. तिसरा भागही लोकांची मने जिंकेल यासाठी अभिनेते आणि निर्माते मेहनत घेत आहेत.

रोहित शेट्टी(Rohit Shetty)च्या लोकप्रिय फ्रँचायझी 'सिंघम'चा तिसरा भाग 'सिंघम अगेन'(Singham Again)ची चाहते आतुरतेने वाट पाहत आहेत. या चित्रपटात अजय देवगण पुन्हा एकदा जबरदस्त अॅक्शन करताना दिसणार आहे. यावेळी स्टारकास्टही बरीच मोठी आहे. या चित्रपटात टायगर श्रॉफ, अक्षय कुमार, रणवीर सिंग आणि दीपिका पदुकोण यांची अ‍ॅक्शनही पाहायला मिळणार आहे. त्यामुळे या चित्रपटाबाबत चाहत्यांची उत्सुकता कायम आहे. 'सिंघम अगेन' रिलीज होण्याची वेळ आली आहे, पण चाहत्यांना खिळवून ठेवण्यासाठी अजय देवगणचा चित्रपटातील एन्ट्री सीन समोर आला आहे.

'सिंघम अगेन'चे शूटिंग सुरू झाले आहे. रोहित शेट्टी सतत चित्रपटाशी संबंधित काही अपडेट शेअर करत असतो. त्याने नवीन पोस्टरमध्ये चित्रपटात सामील होणारी उर्वरित स्टारकास्ट उघड केली. त्याचवेळी, आता त्याने सिंघम अगेन चित्रपटाच्या शूटिंगमधील काही छायाचित्रे शेअर केली आहेत, जी पाहिल्यानंतर लोकांमध्ये चित्रपटाबद्दलची उत्सुकता द्विगुणित झाली आहे.

WORK IN PROGRESS…#SinghamAgain

- #RohitShettypic.twitter.com/jI62eys6Fc

— Reliance Entertainment (@RelianceEnt) October 27, 2023

पहिल्या फोटोमध्ये बंकर व्हॅन भिंत तोडून आत प्रवेश करताना आणि वाहने उडवताना दिसत आहेत. तर दुसऱ्या फोटोमध्ये रोहित व्हॅनला हात हलवत ड्रायव्हरला थांबण्याचा इशारा करताना दिसतो. रोहित शेट्टीने 'वर्क इन प्रोग्रेस' या कॅप्शनसह हे फोटो शेअर केले आहेत. त्यासोबत सिंघम अगेन हॅशटॅगही लिहिला आहे. फोटो पाहिल्यानंतर चाहत्यांनी अंदाज बांधला आहे की, हा अजय देवगणचा एन्ट्री सीन आहे. हा चित्रपटाचा क्लायमॅक्स सीन असू शकतो, अशी प्रतिक्रियाही अनेक युजर्सनी दिली आहे.

'सिंघम अगेन'ची टक्कर 'पुष्पा २'शी होणार

हा लोकप्रिय अॅक्शन-कॉमेडी फ्रँचायझी चित्रपट पुढील वर्षी १५ ऑगस्टला प्रदर्शित होत आहे. अल्लू अर्जुनचा 'पुष्पा २' देखील त्याच दिवशी रिलीज होत आहे. म्हणजेच बॉक्स ऑफिसवर पुन्हा एकदा दोन मोठ्या चित्रपटांमध्ये चुरशीची टक्कर होणार आहे.