यशाच्या आनंदाला अजय का मुकला?

‘सिंघम रिटर्न्स’ हा अभिनेता अजय देवगणच्या कारर्कीदीतील सर्वात हिट चित्रपट आहे. ‘हमशकल्स’सारखा फ्लॉप चित्रपट हिट झाल्याचे दाखवून सलग तीन दिवस आनंदोत्सव साजरा करण्यात आला होता; परंतु ‘सिंघम रिटर्न्स’ हा सुपरहिट होऊनदेखील त्याच्या यशाचा आनंद मात्र साजरा करण्यात आला नाही. त्याचे मुख्य कारण म्हणजे अजयची व्यस्तता. सध्या अजय हा ‘अ‍ॅक्शन जॅक्सन’ या आपल्या आगामी चित्रपटाच्या शूटिंगमध्ये व्यस्त आहे. त्यामुळे आनंदोत्सव साजरा करण्यासाठी त्याला वेळच मिळाला नाही. पार्ट्या देणे वा पार्ट्यांना हजेरी लावणे तसे अजयला आवडतदेखील नाही; परंतु यावेळी यश एवढे मोठे होते की, ‘सिंघम रिटर्न्स’च्या संपूर्ण टीमला पार्टीची प्रतीक्षा आहे. पार्टी देणे आवडत नसले, तरी टीमच्या आग्रहाखातर अजय लवकरच जंगी पार्टी देणार असल्याचे सूत्रांनी सांगितले.