नरेंद्र मोदींनी लिहिलं गरबा गीत, अक्षय कुमार म्हणाला, "आम्ही कुठे जायचं?" तर जुही चावला...

पंतप्रधानांच्या गाण्यावर अक्षय कुमारसह, कंगना रणौत, जुही चावलानेही दिली प्रतिक्रिया

नवरात्रोत्सवाला थाटामाटात सुरुवात झाली आहे. या नवरात्रीला पंतप्रधान नरेंद्र मोदींनी (Narendra Modi) खास सरप्राईज दिलं. त्यांनी स्वत: गुजराती भाषेत गरबा गीत लिहिलं. 'माडी' असं गाण्याचं शीर्षक आहे. मीत ब्रदर्सने (Meet Bros) या गीताला संगीत दिलं असून दिव्य कुमारने (Divya Kumar) ते गायलं आहे. आता नरेंद्र मोदी गीतकारही झाले म्हणल्यावर अभिनेता अक्षय कुमार(Akshay Kumar), अभिनेत्री कंगना रणौतने (Kangana Ranaut) दिलेली प्रतिक्रिया चर्चेत आहे.

पंतप्रधानांनी काल ट्विटरवर गाण्याचा व्हिडिओ शेअर करत हे सरप्राईज दिलं. 'नवरात्रीच्या पावन सणाला सुरुवात झाली असून मी गेल्या आठवड्यात लिहिलेलं गरबा गीत तुमच्यासोबत शेअर करायला मला अतिशय आनंद होत आहे. सर्वांना सुरेलमय शुभेच्छा. तसंत मीत ब्रदर्स आणि दिव्य कुमारचे आभार' अशा प्रकारे पंतप्रधानांनी ट्वीट केलं.

यावर अक्षय कुमार प्रतिक्रिया देत म्हणाला,'हे अद्भूत आहे. सर तुम्ही आमच्या क्षेत्रातही आलात. आता आम्ही कुठे जायचं? शुभ नवरात्री!'

This is amazing @narendramodi ji! Sir ab aap hamare field mein bhi…hum kahan jayein? 😊
Shubh Navratri to you and everyone 🙏

— Akshay Kumar (@akshaykumar) October 15, 2023

तर कंगना रणौत म्हणाली,'सतत कामात व्यस्त असताना आणि प्रचंड ताण असतानाही पंतप्रधान पारंपारिक गाणं लिहून आपली आवड जोपासत आहेत हे खरोखरंच कौतुकास्पद आहे.'

Amidst a hectic schedule and immense pressure, it's remarkable how the PM prioritizes and engages in creative devotional writing 🙏#Navaratri2023#garbahttps://t.co/uG9DFTsbIg

— Kangana Ranaut (@KanganaTeam) October 15, 2023

याशिवाय जुही चावलानेही पंतप्रधान नरेंद्र मोदींचं कौतुक केलं आहे. तिने लिहिलं,'श्री नरेंद्रभाईंचे अभिनंदन, त्यांचं हे टॅलेंट आणि क्षमता पाहून मी थक्क झाले आहे. किती सुंदर गाणं आहे, गाण्याचे बोल, संगीत तर हृदयाला भिडणारे आहेत. माननीय पंतप्रधानांचा खूप अभिमान वाटतो आणि अशा प्रकारे संस्कृतीचं पालन करता येते म्हणून एक भारतीय असल्याचाही अभिमान वाटतो. सगळ्यांना नवरात्रीच्या शुभेच्छा.'

Many Congratulations to Shri Narendrabhai , amazed at his many talents and capabilities ..!!... Such a lovely song , heartfelt lyrics , composition and singing . So proud of our Hon'ble Prime Minister ... and so proud to be a Bharatiya who has inherited this great culture .… https://t.co/1xp9Sxw4Zm

— Juhi Chawla Mehta (@iam_juhi) October 15, 2023

पंतप्रधान मोदींच्या या सरप्राईजने सर्वांनाच थक्क करुन सोडलं आहे. तर यावर अक्षय कुमारची प्रतिक्रियाही चर्चेत आहे.