आलिया भटची धमाकेदार हॉलिवूड एंट्री, व्हिलनच्या भूमिकेत दिसली अभिनेत्री, ट्रेलर पाहिलात?

आलियाने गरोदरपणीच पहिल्या हॉलिवूड सिनेमाचं शूट केलं होतं. ज्यात तिने अ‍ॅक्शन सीन्सही दिले.

Alia Bhat Hollywood Movie : आलिया भट बस नाम ही काफी है! स्टारकिड, नेपोटिझम असे सर्व टोमणे न ऐकता या छोट्या पॅकेटने बडा धमाका केलाय. अभिनयात पदार्पणानंतर आलियाने १० वर्षातच बॉलिवूड तर गाजवलंच आता ती हॉलिवूडमध्येही उतरली आहे. आलियाचा पहिला हॉलिवूड चित्रपट 'हार्ट ऑफ स्टोन' (Heart Of Stone) चा ट्रेलर प्रदर्शित झाला आहे. पहिल्याच हॉलिवूड सिनेमात आलियाला थोडीथोडकी नाही तर थेट व्हिलनची भूमिका साकारायला मिळाली आहे. हॉलिवूडची 'वंडर वुमन' गॅल गॅडोटसोबत (Gal Gadot) ती स्क्रीन शेअर करत आहे. तर '50 शेड्स ऑफ ग्रे' फेम अभिनेता जेमी डॉर्नन (Jamie Dornan) देखील मुख्य भूमिकेत आहे.

'हार्ट ऑफ स्टोन' एक स्पाय थ्रिलर सिनेमा आहे. यामध्ये गॅल गॅडोट खतरनाक स्टंट्स करताना दिसते. ती एक सिक्रेट एजंटची भूमिका साकारत आहे. आपलं मिशन पूर्ण करण्यासाठी ती कोणकोणत्या गोष्टींचा सामना करते हे दाखवण्यात आलं आहे. तोच तिच्यासमोर व्हिलन च्या रुपात आलिया भट उभी आहे. याची झलक ट्रेलरमध्ये पाहायला मिळत आहे. आलिया भटने सोशल मीडियावर ट्रेलर शेअर केला असून 'हार्ट ऑफ स्टोन ऑगस्ट ११' असे कॅप्शन दिले आहे.

View this post on Instagram

A post shared by Alia Bhatt 💛 (@aliaabhatt)

11 ऑगस्ट ला सिनेमा नेटफ्लिक्स या ओटीटी प्लॅटफॉर्मवर रिलीज होत आहे ज्याची प्रेक्षक आतुरतेने वाट पाहत आहेत. कालच मुख्य कलाकारांसह सिनेमाचा ट्रेलर लॉंच सोहळा पार पडला. यावेळी हॉलिवूड कलाकारांसह आलियाचा बॉंड स्पष्ट दिसत होता. सध्या सगळीकडूनच आलियावर कौतुकाचा वर्षाव होत आहे.

गरोदर असताना केलं शूट

आलिया भटने नोव्हेंबर महिन्यात लेक राहाला जन्म दिला. तर आलियाने गरोदर असतानाच आपल्या पहिल्या हॉलिवूड सिनेमाचं शूटिंग केलं होतं. तिचे सेटवरील फोटोही तेव्हा व्हायरल झाले होते. फक्त शूटच नाही तर तिने गरोदर असतानाच अ‍ॅक्शन सीन्सही दिले. यामुळे हा सिनेमा तिच्यासाठी खूपच खास आहे.