सगळी आलियाचीच जादू! ‘गंगूबाई काठियावाडी’ने पहिल्या आठवड्यात कमावले इतके कोटी
By ऑनलाइन लोकमत | Published: February 28, 2022 12:34 PM2022-02-28T12:34:13+5:302022-02-28T12:34:59+5:30
Gangubai Kathiawadi Box Office Collection: आलिया भटचा ‘गंगूबाई काठियावाडी’ हा सिनेमा रिलीज झाला आणि सगळीकडे आलियाचीच चर्चा सुरू झाली. या सिनेमानंतर सर्वस्तरातून आलियाच्या अभिनयाचं कौतुक होत आहे.
सगळी आलियाचीच जादू! ‘गंगूबाई काठियावाडी’ने पहिल्या आठवड्यात कमावले इतके कोटी
Next Gangubai Kathiawadi Box Office Collection: आलिया भटचा (Alia Bhatt) ‘गंगूबाई काठियावाडी’ (Gangubai Kathiawadi) हा सिनेमा रिलीज झाला आणि सगळीकडे आलियाचीच चर्चा सुरू झाली. या सिनेमानंतर सर्वस्तरातून आलियाच्या अभिनयाचं कौतुक होत आहे. शुक्रवारी रिलीज झालेला हा सिनेमा बॉक्स बॉक्स ऑफिसवरही चांगली कमाई करतोय.
शुक्रवारी म्हणजेच रिलीजच्या पहिल्या दिवशी या चित्रपटाने फक्त 10.50 कोटी कमावले. दुसऱ्या दिवशी शनिवारी चित्रपटाने 13.32 कोटींची कमाई केली. तिसऱ्या दिवशी रविवारी या सिनेमाने कमाल केली. चित्रपटाने 15 कोटींपेक्षा अधिकचा गल्ला जमवला. म्हणजेच या आठवड्यात आलियाच्या या सिनेमाने 38 ते 39 कोटींचा बिझनेस केला आहे.
विदेशातही चित्रपटाला चांगला प्रतिसाद मिळतोय. ऑस्ट्रेलिया, न्यूझीलंड, अमेरिका व कॅनडा या देशात या चित्रपटाला चांगली ओपनिंग मिळाली आहे. अक्षय कुमारच्या ‘सूर्यवंशी’नंतर ‘गंगूबाई काठियावाडी’ कोरोना महामारीच्या काळातील दुसरी मोठी ओपनर फिल्म आहे.
अशी आहे कथा
‘गंगूबाई काठियावाडी’चित्रपटाच्या कथेबद्दल सांगायचं झालं तर, ‘गंगूबाई काठियावाडी’ ही गंगूबाईच्या खºया आयुष्यावर आधारित कथा आहे. गंगा हरजीवनदास नावाच्या या मुलीला मुंबईत येऊन एक प्रसिद्ध अभिनेत्री व्हायचं होतं. तिच्या या निरागस स्वप्नाचा फायदा घेत तिचा प्रियकर तिला मुंबईत घेऊन येतो आणि तिला केवळ 1000 रुपयांना मुंबईत विकतो.
गंगा त्या ठिकाणाहून बाहेर पडण्यासाठी प्रचंड आरडाओरडा करते, मारहाण करते. परंतु त्याचा काही एक उपयोग होत नाही. शेवटी ती या व्यवसायाचा एक भाग बनते. गंगा नावाची ही मुलगी इथे गंगू बनते. परंतु हळूहळू ती कामाठीपुरावर राज्य करायचं ठरवते. संजय लीला भन्साळींचा सिनेमा असल्याने आलियाच्या अभिनयासोबतच भव्यदिव्य सेट आणि सुरेल गाणीही या चित्रपटात आहेत.