पहिल्यांदाच एकत्र झळकणार खिलाडी कुमार आणि आलिया भट्ट, हॉरर चित्रपटासाठी जमली जोडी!

अक्षय कुमार प्रियदर्शनसोबत एक हॉरर कॉमेडी चित्रपट करणार असल्याची बातमी आहे.

बॉलिवूडचा खिलाडी कुमार म्हणून अक्षय कुमारला (Akshay Kumar) संबोधलं जातं. अलिकडेच प्रदर्शित झालेला अक्षयचा 'छोटे मियाँ बडे मियाँ' हा चित्रपट बॉक्स ऑफिसवर फ्लॉप झाला.  पण, येत्या काळात खिडाली कुमारचं नशीब पुन्हा चमकणार आहे. अक्षयच्या 'हेरा फेरी', 'हाऊसफुल' आणि 'वेलकम' या तीन चित्रपटांचे सिक्वेल प्रेक्षकांच्या भेटीला येणार आहेत. यातच  अक्षय कुमार पुन्हा एकदा दिग्दर्शक प्रियदर्शनसोबत चित्रपट करणार असल्याचं कळतंय.

अक्षयचा प्रियदर्शनसोबतचा 'खट्टा मीठा' चित्रपट खूप गाजला होता.  आता 14 वर्षांनंतर दोघेही हॉरर कॉमेडी सिनेमातून एकत्र कमबॅक करणार आहेत. अक्षयसोबत या चित्रपटात अभिनेत्री म्हणून आलिया भट हिच्या नावाचा विचार केला जात आहे. प्रियदर्शनला एका सक्षम अभिनेत्रीची भूमिका हवी आहे, जी अक्षय कुमारच्या कॉमिक टाइमिंगशी जुळेल. यासाठी आलिया भट्टचे नाव आघाडीवर आहे. याशिवाय कीर्ती सुरेश आणि कियारा अडवाणी यांचीही नावे शर्यतीत आहेत.

अक्षयसोबत काम करण्यासाठी निर्मात्यांनी तिन्ही अभिनेत्रींशी संपर्क साधला आहे. आलियाने या प्रोजेक्टला होकार दिल्यास अक्षय कुमारसोबतचा हा तिचा पहिलाच सिनेमा असेल. अभिनेत्री फायनल होताच सिनेमाचे शूटिंग डिसेंबर २०२४ पर्यंत सुरू होईल. सिनेमाचं पहिलं शेड्यूल ८ डिसेंबरपासून लंडनमध्ये शूट होणार आहे. यानंतर उत्तर प्रदेश आणि गुजरातमध्ये शुटिंग होईल.  फेब्रुवारी 2025 पर्यंत सिनेमाचं शूट पूर्ण करण्याचा ठरलं आहे.