"पैशांसाठी विषही विकू शकता...' या जाहिरातीमुळे आलिया भट आली ट्रोलर्सच्या रडारवर

बॉलिवूड सेलिब्रिटीचं अनेकदा सोशल मीडियावर ट्रोलर्सच्या निशाण्यावर येतायेत. आता आलिया भट नेटिझन्सच्या रडारवर आली आहे.

बॉलिवूड सेलिब्रिटी अनेकदा सोशल मीडियावर ऑनलाइन ट्रोलिंगचे लक्ष्य बनतात. मेगास्टार अमिताभ बच्चन, शाहरुख खानपासून ते सलमान खानपर्यंत, बी-टाउन स्टार्स अनेक कारणांमुळे वारंवार ट्रोल होतात. आता आलिया भट नेटिझन्सच्या रडारवर आली आहे. आलिया भटचे दोन व्हिडिओ सोशल मीडियावर व्हायरल होत आहेत. एका व्हिडिओमध्ये आलिया एका साखरयुक्त पेयाचे समर्थन करताना दिसत आहे. दुसऱ्या व्हिडिओमध्ये अभिनेत्रीने साखरेला हानिकारक म्हटले आहे.

युजर्सनी आलियाला ढोंगी म्हटले
 दुहेरी वाग पाळल्याबद्दल नेटिझन्स अभिनेत्रीला ट्रोल करत आहेत. अनेक यूजर्सने आलियाला 'ढोंगी' म्हटलंय. आलियाचा व्हिडिओ शेअर करत एका यूजरने लिहिले की, 'काय हा ढोंगीपणा, पैशासाठी काहीही करू शकतो. दुसर्‍याने ट्विट केले, "पैशासाठी ते विष देखील विकू शकतात, तसे, साखरेला स्लो पॉयझन देखील म्हणतात!!"

आलिया भट तिच्या कलंक चित्रपटाच्या प्रमोशनसाठी वरुण धवन आणि आदित्य रॉय कपूरसोबत कपिल शर्माच्या शोमध्ये पोहोचली होती. शो दरम्यान, अभिनेत्रीने खुलासा केला की ती साखर खात नाही कारण तिच्या आरोग्यावर वाईट परिणाम होतो. याशिवाय आलियाने उपस्थित प्रेक्षकांना असेही सुचवले की लोकांनी फळांमधूनच साखरेचे सेवन करावे.

pic.twitter.com/VTcvvChvgb

— Filmy Pulao (@FilmyPulao) May 8, 2022

आलिया, जी स्वतः साखर खात नाही, तिला फ्रूटी, चॉकलेट्सच्या जाहिरातीत पाहिली, तेव्हा यूजर्सने तिला ट्रोल करण्यास सुरुवात केली. आलियाचे दोन्ही व्हिडीओ शेअर करत यूजर्स तिला ढोंगी म्हणत आहेत. लोक म्हणतात की ती स्वतः साखर घेत नाही पण जाहिराती करते. दुसऱ्या यूजरने लिहिले - अशा उत्पादनांवर बंदी घातली पाहिजे.