एकेकाळी ५० रुपयांसाठी तब्बल १५ किमी चालायची; आज एका एपिसोडसाठी घेते लाखो रुपये

जेव्हा अभिनेत्रीचं कुटुंब आर्थिक संकटातून जात होतं, तेव्हा ती ५० रुपये कमवण्यासाठी १५ किमी चालत असे.

टीव्ही जगतात अधिराज्य गाजवणारी प्रतिभावान अभिनेत्री म्हणजे रुपाली गांगुली. सध्या रुपाली छोट्या पडद्यावरील सर्वात लोकप्रिय शो 'अनुपमा'मध्ये मुख्य भूमिका साकारत आहे.

रुपालीचे असंख्य चाहते आहेत. या अनुपमा शोने तिला पुन्हा एकदा स्टार बनवलं आहे. या शोच्या माध्यमातून रुपाली भरपूर कमाईही करत आहे. तसेच ती लोकप्रियही झाली आहे.

रिपोर्ट्सनुसार, रुपाली गांगुली आता एका एपिसोडसाठी तीन लाख रुपये इतकी मोठी फी घेते. अशा परिस्थितीत रुपालीच्या आयुष्यात अशी वेळ आली होती हे जाणून तुम्हाला धक्का बसेल.

जेव्हा अभिनेत्रीचं कुटुंब आर्थिक संकटातून जात होतं, तेव्हा ती ५० रुपये कमवण्यासाठी १५ किमी चालत असे. याचा खुलासा खुद्द अभिनेत्रीने मॅशेबल इंडियाला दिलेल्या मुलाखतीत केला आहे.

अभिनेत्रीने सांगितलं होतं की, जेव्हा ती तिच्या करिअरला सुरुवात करत होती तेव्हा तिला एक नाटक मिळालं होतं. ज्यासाठी त्याला ५० रुपये मिळाले.

त्यावेळी त्या नाटकासाठी वरळी ते पृथ्वी थिएटर जुहूपर्यंत चालत जात असे, असं अभिनेत्रीने सांगितलं होतं. जेणेकरून पैसे वाचू शकतील. तिथे गेल्यावर नाटकाचे पन्नास रुपये तर कधी समोसाही मिळत असे.

आज रुपाली गांगुली टीव्ही इंडस्ट्रीवर राज्य करत आहे. तिचा शो ‘अनुपमा’ टीआरपीच्या यादीत पहिल्या क्रमांकावर येतो.