"अरे याला हसताही येतं?" अनन्यासोबत शाहरुखच्या मुलाचा Video पाहून नेटकऱ्यांना पडला प्रश्न

नेहमी अँग्री यंग मॅन च्या लुकमध्ये दिसणारा आर्यनचा हा वेगळाच अंदाज दिसत आहे,

अभिनेता शाहरुख खानचा मुलगा आर्यन खान (Aryan Khan) मध्यंतरी ड्रग्स प्रकरणामुळे भलताच चर्चेत आला होता. या प्रकरणात त्याला जेलचीही हवा खावी लागली. तीन महिन्यांनी त्याची तुरुंगातून सुटका झाली. आता आर्यन कुटुंबासोबत अनेक इव्हेंट्समध्ये दिसून येतो. मात्र त्याच्या चेहऱ्यावर कधीच हसू नसतं. हे बघून नेटकरी नेहमी त्याच्यावर निशाणा साधतात. मात्र आता आर्यनचा एक व्हिडिओ व्हायरल होतोय ज्यामध्ये तो चक्क हसत गप्पा मारत आहे.

आर्यन खान आणि त्याची बालपणीची मैत्रीण अभिनेत्री अनन्या पांडे (Ananya Pandey) या दोघांचा एक व्हिडिओ सध्या सोशल मीडियावर व्हायरल होतोय. दोघेही स्टेडियममध्ये मॅच पाहत असल्याचं दिसतंय. तर आर्यन अनन्याशी गप्पा मारत आहे. यामध्ये आर्यन चक्क हसताना दिसतोय. आर्यनला हसताना पाहून नेटकऱ्यांचा विश्वासच बसत नाहीए.  नेहमी अँग्री यंग मॅन च्या लुकमध्ये दिसणारा आर्यनचा हा वेगळाच अंदाज दिसत आहे,

View this post on Instagram

A post shared by Koimoi.com (@koimoi)

काही दिवसांपूर्वीच आर्यन खानने अनन्याला वाईट पद्धतीने इग्नोर केले होते. हा व्हिडिओ कॅमेऱ्यात कैद झाला होता. तेव्हा दोघांच्यात बिनसलं असल्याच्या चर्चांना उधाण आलं होतं. तर 'कॉफी विथ करण' या शोमध्ये आर्यनवर क्रश असल्याचं अनन्या पांडेने मान्य केलं होतं. मात्र ड्रग्स प्रकरणानंतर दोघांच्या नात्यात दुरावा आला. सध्या अनन्या अभिनेता आदित्य रॉय कपूरला डेट करत असल्याच्या चर्चा आहेत.