अस्सं घर सुरेख बाई ! अभिनेत्री प्रार्थना बेहरेच्या आलिशान घराला आहे सी फेसिंग व्ह्यू, पहा त्याची झलक

प्रार्थना बेहरेने नुकताच घरातील व्हिडीओ शेअर केला आहे. या व्हिडीओने चाहत्यांचेच नाही तर सेलिब्रेटींचेही लक्ष वेधून घेतले आहे.

अभिनेत्री प्रार्थना बेहरे हिने आपल्या अभिनय कौशल्याच्या जोरावर प्रेक्षकांच्या मनात घर केले आहे. प्रार्थना सोशल मीडियावर सक्रिय असून ती या माध्यमातून चाहत्यांच्या संपर्कात असते. तसेच सोशल मीडियावर फोटो आणि व्हिडीओ शेअर करत असते. नुकताच तिने इंस्टाग्रामवर एक व्हिडीओ शेअर केला आहे, ज्यातून तिने सगळ्यांचे लक्ष वेधून आहे. मात्र या व्हिडीओत ती नसून तिच्या आलिशान घरातील सुंदर व्ह्यूची झलक पहायला मिळते आहे. 

प्रार्थना बेहरे हिने सोशल मीडिया इंस्टाग्रामवर एक व्हिडीओ शेअर करत लिहिले की लाइफ. या व्हिडीओत तिच्या घरातील लिव्हिंग रूममधून सुंदर नयनरम्य असा व्ह्यू पहायला मिळतो आहे आणि त्या दृश्याचा आनंद प्रार्थना बेहरे लुटते आहे. छान समुद्र आणि नारंगी आकाशात काळे ढग पहायला मिळत आहे. पावसातील नयनरम्य दृश्य प्रार्थनाच्या घरातून पहायला मिळत आहे.

प्रार्थना बेहरेने शेअर केलेल्या या व्हिडीओला खूप पसंती मिळते आहे. तर तिच्या या व्हिडीओवर फक्त चाहतेच नाही तर सेलिब्रेटींनीदेखील कमेंट केली आहे.

यापूर्वीही देखील प्रार्थनाने तिच्या घराची झलक फोटो आणि व्हिडीओच्या माध्यमातून दाखवली आहे. प्रार्थनाचे मुंबईतील हे घर खूपच आलिशान आणि सुंदर आहे. तिने घराची सजावट छान पेटिंग्सने केली आहे.

इतकेच नाही तर प्रार्थनाने स्वतः एका भिंतीवर चित्र रेखाटले आहे. त्याचा फोटोदेखील तिने सोशल मीडियावर शेअर केला होता.

बऱ्याचदा प्रार्थना घरातील वेगवेगळ्या जागी फोटोशूट करताना दिसते. तिने घरातील बाल्कनीत छान झाडे लावून घराची शोभा वाढवली आहे.