अवधूत गुप्तेच्या प्रेमळ विनंतीचा Royal Enfield ने ठेवला मान, प्रजासत्ताक दिनी दिलं गोड बक्षीस

महाराष्ट्रातील पहिली नवी बुलेट मराठी संगीत दिग्दर्शक अवधूत गुप्तेला मिळाली आहे. अवधूतने इन्स्टाग्रामवर पोस्ट शेअर करत आनंद व्यक्त केला आहे.

Avadhoot Gupte : रॉयल एन्फिल्डची (Royal Enfield) ची super meteor 650 ही नवीन क्रुझर बाईक नुकतीच लॉंच झाली आहे. आणि गंमत बघा महाराष्ट्रातील पहिली नवी बुलेट मराठी संगीत दिग्दर्शक अवधूत गुप्तेला मिळाली आहे. अवधूतने इन्स्टाग्रामवर पोस्ट शेअर करत आनंद व्यक्त केला आहे. आता अवधूतलाच हा मान कसा मिळाला हे सुद्धा त्याने पोस्ट मध्ये स्पष्ट केलं आहे.

अवधूत गुप्तेला बाईक्सचं भारी वेड आहे. आणि त्यात बुलेट असेल तर विचारायलाच नको. रॉयल एन्फिल्डने (Royal Enfield) मोठ्या प्रतीक्षेनंतर नवीन क्रूझर बाईक Super Meteor 650 बाजारात आणली आहे. अवधुतनेही लगोलग बाईक बुक केली. मात्र राज्यातील पहिली बुलेट मलाच मिळावी असा त्याचा आग्रह होता. रॉयल एन्फिल्डनेही त्याची इच्छा पूर्ण केली. अवधूतने बुलेट ताब्यात घेतानाचा व्हिडिओ शेअर केला आहे. बुलेटवर बसतानाचा आनंद त्याच्या चेहऱ्यावर दिसत आहे. रॉयल एन्फिल्डच्याच शो रुममध्ये केक कट करत त्याने आनंद व्यक्त केला. आणि नंतर तो बुलेट चालवत निघाला.

View this post on Instagram

A post shared by Avadhoot🎵 Gupte🎶 (@avadhoot_gupte)

पोस्ट मध्ये अवधूत लिहितो, 'मित्रा.. तुला प्रजासत्ताक दिनाच्या 🇮🇳 हार्दिक शुभेच्छा!! बघ मला ह्या शुभमुहूर्तावर काय गोड बक्षिस मिळालंय!! royalenfield ने #supermeteor650 चं बुकिंग ओपन करताच मी बुकिंग केलं आणि voyagemotorsre ला गळ घातली की, महाराष्ट्रातली पहिली bullet मला हवी!! आणि गंमत बघ.. #royalenfield ने सुद्धा माझी प्रेमाची विनंती मान्य केली!! ‘बुरुम बुरुम‘ ला मिळालेला हा सर्वात मोठा पुरस्कार आहे, असं मी मानतो! थॅंक्यू  royalenfield आणि थॅंक्यू voyagemotorsre !!

या पोस्टवर इतर कलाकार आणि चाहते अवधूतला शुभेच्छा देत आहेत.तसंच नवीन बुलेटचंही कौतुक करत आहेत.