शाहरूख खानच्या आधी या सुपरस्टारला मिळाली होती मन्नत विकत घेण्याची संधी, मग झाला पश्चाताप

Shah Rukh Khan And Salman Khan : बॉलिवूडमधील खान्सचा विचार केला तर शाहरुख खान, सलमान खान आणि आमिर खान यांची नावे सर्वात आधी घेतली जातात. शाहरुख आणि सलमानने काही चित्रपटांमध्ये एकत्र कामही केले आहे.

बॉलिवूडमधील खान्सचा विचार केला तर शाहरुख खान (Shah Rukh Khan), सलमान खान (Salman Khan)आणि आमिर खान (Aamir Khan) यांची नावे सर्वात आधी घेतली जातात. शाहरुख आणि सलमानने काही चित्रपटांमध्ये एकत्र कामही केले आहे. काही वर्षे दोघांमध्ये संवाद झाला नाही पण नंतर ते पुन्हा घट्ट मित्र बनले. सलमान खान शाहरुखला खूप आवडतो आणि सलमानने शाहरुख खानच्या पठाण चित्रपटातही जबरदस्त कॅमिओ दिला होता. एकदा एका मुलाखतीत सलमानला शाहरुखबद्दल प्रश्न विचारण्यात आला आणि सलमानने त्याचे उत्तर देऊन सर्वांनाच चकित केले होते.

एका मुलाखतीत सलमान खानला विचारण्यात आले होते की, शाहरुख खानकडे अशी कोणती गोष्ट आहे, जी तुला तुझ्याजवळ पाहायला आवडली असती. त्यावर सलमान खान म्हणाला की, शाहरुख खानचा बंगला कम ऑफिस ज्याचं नाव आहे मन्नत. तो म्हणाला की, शाहरुख खानच्या आधी मन्नत बंगला विकत घेण्याची ऑफर त्याला मिळाली होती. त्यावेळी सलमान खानचे करिअर यशाचं शिखर गाठत होते. पण तेव्हा सलमान खानचे वडील सलीम खान म्हणाले होके की, तू इतके मोठे घेऊन करणार काय? अशारितीने सलमान खानच्या हातून मन्नत बंगला गेला. सलमान खान म्हणाला की, हीच गोष्ट मला शाहरुख खानला विचारायची होती की, तू इतक्या मोठ्या घरात काय करतोस?

शाहरुख आणि सलमानने या सिनेमात केलं काम
सलमान खान आणि शाहरुख खान या दोघांनी करण अर्जुनमध्ये अप्रतिम काम केले आहे. यानंतर दोघेही अनेक वर्षे एकमेकांपासून दूर राहिले पण त्यानंतर दोघे पुन्हा एकत्र आले. करण अर्जुन व्यतिरिक्त शाहरुख आणि सलमान हम तुम्हारे हैं सनम, कुछ कुछ होता है, हर दिल जो प्यार करेगा, ओम शांती ओम, ट्यूबलाइट, शून्य आणि पठाण या चित्रपटात एकत्र दिसले आहेत. करण अर्जुनमध्ये दोघेही लीड रोलमध्ये होते. याशिवाय सर्व चित्रपटांमध्ये दोघांनी एकमेकांसोबत कॅमिओ केला आहे.