'कहानी 2' च्या शुटींगला सुरुवात

By लोकमत न्यूज नेटवर्क | Published: March 28, 2016 03:31 PM2016-03-28T15:31:03+5:302016-03-28T19:04:46+5:30

अभिनेत्री विद्या बालनने 'कहानी 2' चित्रपटाच्या शुटींगसाठी सुरुवात केली आहे. विद्या बालनने ट्विटरच्या माध्यमातून ही माहिती दिली आहे

The beginning of the shooting of 'Story 2' | 'कहानी 2' च्या शुटींगला सुरुवात

'कहानी 2' च्या शुटींगला सुरुवात

googlenewsNext
>ऑनलाइन लोकमत - 
मुंबई, दि. 28 - अभिनेत्री विद्या बालनने 'कहानी 2' चित्रपटाच्या शुटींगसाठी सुरुवात केली आहे. विद्या बालनने ट्विटरच्या माध्यमातून ही माहिती दिली आहे. 2012 मध्ये आलेल्या सस्पेन्स थ्रिलर 'कहानी' चित्रपटाचा हा सिक्वेल आहे. कहानी चित्रपटात विद्या बालनने एका गरोदर महिलेची भुमिका निभावली होती. ज्यामध्ये विद्या आपल्या पतीच्या शोधात लंडनहून कोलकातामध्ये येते. विद्या बालनची ही भुमिका प्रेक्षकांना खुपच आवडली होती. विद्याला या चित्रपटासाठी अनेक अॅवॉर्डदेखील मिळाले होते. 
 
पश्चिम बंगालमधील हिल स्टेशनवर या चित्रपटाचं शुटींग सुरु आहे. 'कहानी 2' चित्रपटाच्या शुटींगचा आज पहिला दिवस. येथील झाडे गुलजार साहब यांच्या मुसाफिर हू यारो गाण्यावर डोलत आहेत असं विद्या बालनने ट्विट केलं आहे. दिग्दर्शक सुजॉय घोष यांनी कहानी चित्रपटाची कथा लिहिली होती तसंच दिग्दर्शनही केलं होतं. या चित्रपटात विद्या बालनने प्रमुख भुमिका निभावली होती तर नवाझुद्दीन सिद्दीकी, इंद्रनील सेनगुप्ता, सास्वता चॅटर्जी यांनीदेखील महत्वाच्या व्यकिरेखा साकारल्या होत्या. 
 
विद्या बालनने याअगोदरही आपल्या चित्रपटांसाठी पश्चिम बंगालमध्ये शुटींग केलं आहे. ज्यामध्ये 'इश्किया', 'नो वन किल्ड जेसिका', परिणीता तसंच आगामी 'तीन' या चित्रपटाचा समावेश आहे.