बिग बॉस मराठी ३ फेम विशाल निकमसोबत झळकलेली ही अभिनेत्री अडकली लग्नबेडीत

'दख्खनचा राजा ज्योतिबा' (Dakkhancha Raja Jyotiba) या मालिकेत चोपडाईची भूमिका साकारलेली अभिनेत्री नुकतीच लग्नबंधनात अडकली आहे.

बिग बॉस मराठी ३ (Bigg Boss Marathi 3) फेम विशाल निकमची लोकप्रिय मालिका दख्खनचा राजा ज्योतिबा (Dakkhancha Raja Jyotiba)मध्ये त्याने ज्योतिबाची भूमिका साकारली होती. तर या मालिकेत चोपडाईची भूमिका साकारलेली अभिनेत्री नुकतीच लग्नबंधनात अडकली आहे. चोपडाईची भूमिका अभिनेत्री सई कल्याणकर (Sai Kalyankar) हिने साकारली होती. काही दिवसांपूर्वी सई कल्याणकर हिने सोशल मीडियावर आपला साखरपुडा झाल्याचे सांगून साखरपुड्याचे फोटो शेअर केले होते. आता ती लग्नबंधनात अडकली आहे.

नुकतेच सई कल्याणकर आणि तिचा होणारा नवरा प्रशांत शिवराम चव्हाण यांचे केळवण साजरे करण्यात आले. त्यावरून आता हे दोघे लवकरच लग्न करत असल्याचे स्पष्ट झाले होते. त्यानंतर या दोघांचे प्री व्हेडिंग फोटोशूट करण्यात आले. गेल्या दोन दिवसांपासून सई कल्याणकरच्या घरी लगीनघाई सुरू झाली आहे. १९ डिसेंबर २०२१ रोजी सई कल्याणकर प्रशांत चव्हाण सोबत लग्नबंधनात अडकली आहे. लग्नाचे खास फोटो सोशल मीडियावर शेअर केले आहेत. तिच्या या फोटोंवर सेलिब्रिटींनी शुभेच्छांचा वर्षाव केला आहे. 

प्रशांत चव्हाण हा पेशाने डॉक्टर आहे. डॉ प्रशांत चव्हाण यांनी नॅनो केमिस्ट्री विषयातून पीएचडी केली आहे. अभिनेत्री सई कल्याणकर आणि डॉ प्रशांत चव्हाण यांचं हे अरेंज मॅरेज आहे. दख्खनचा राजा ज्योतिबा या मालिके व्यतिरिक्त सईने बऱ्याच मालिकेत आणि चित्रपटात काम केले आहे.

अभिनेता अंकुश चौधरीसोबत ती झकास या चित्रपटात झळकली आहे. ती अभिनेत्रीसोबत उत्तम नृत्यांगना असून तिने भरतनाट्यम विशारद प्राप्त केली आहे.