Bigg boss फेम अक्षय केळकरला पडली ट्रेंडिंग गाण्याची भुरळ; फॉलो केला नवा ट्रेंड

Akshay Kelkar: अक्षय सोशल मीडियावर कमालीचा सक्रीय आहे.

Bigg boss मराठीच्या माध्यमातून घराघरात पोहोचलेला लोकप्रिय अभिनेता म्हणजे अक्षय केळकर (Akshay Kelkar). अनेक गाजलेल्या मालिका,रिअॅलिटी शोमध्ये अक्षय झळकला आहे. त्यामुळे त्याचा सोशल मीडियावर प्रचंड मोठा चाहतावर्ग असल्याचं पाहायला मिळतो. अक्षय सुद्धा सोशल नेटवर्किंगच्या माध्यमातून चाहत्यांच्या संपर्कात राहण्याचा प्रयत्न करतो. यामध्येच त्याने एका ट्रेंडिंग गाण्यावर रील केलं आहे.

अक्षयने नुकताच इन्स्टाग्रामवर एक व्हिडीओ शेअर केला आहे. या व्हिडीओमध्ये त्याने 'मराठमोळा...थोडासा साधाभोळा..'या गाण्यावर रील केलं आहे. विशेष म्हणजे यात त्याचा लूक चर्चेचा विषय ठरत आहे. या व्हिडीओमध्ये अक्षयची जबरदस्त पर्सनालिटी दिसून येत आहे. त्यामुळे सामान्यांपासून सेलिब्रिटींपर्यंत अनेकांनी त्याच्यावर कमेंट आणि लाइक्सचा पाऊस पाडला आहे.

दरम्यान, अक्षय मराठी कलाविश्वातील लोकप्रिय अभिनेता आहे. त्याने २०१३ मध्ये छोट्या पडद्यावर एन्ट्री केली. 'बे दुणे दहा' ही त्याची पहिली मालिका. यात त्याने कबीरची भूमिका साकारली होती. त्यानंतर कमला या मालिकेत तो झळकला. त्यानंतर २०१४ मध्ये 'प्रेमासाठी' या चित्रपटातून त्याने रुपेरी पडद्यावर पदार्पण केलं. त्यानंतर तो  कान्हा, कॉलेज कॅफे, माधुरी या सिनेमातही तो झळकला आहे.