VIDEO: "आली दिवाळी..." निक्की-अरबाजने दिल्या चाहत्यांना हटके अंदाजात शुभेच्छा, नेटकरी म्हणाले... 

'बिग बॉस'मराठीचा शो संपला असला तरी त्यातील स्पर्धकांची क्रेझ काही कमी झालेली नाही.

Nikki Tamboli And Arbaaz Patel Video: 'बिग बॉस'मराठीचा शो संपला असला तरी त्यातील स्पर्धकांची क्रेझ काही कमी झालेली नाही. शो नंतरही ते अनेक ठिकाणी एकत्र पाहायला मिळत आहेत. 'बिग बॉस'च्या घरात निर्माण झाली नाती प्रत्येक जण जपताना दिसतोय. दरम्यान, यंदाच्या पर्वात सर्वात चर्चेत राहिलेली जोडी म्हणजे निक्की-अरबाजची होती. अगदी पहिल्या दिवसापासून त्यांचे सूर जुळले. बिग बॉस मधून बाहेर आल्यानंतर ते दोघे बऱ्याचदा एकत्र स्पॉट झाले आहेत. सोशल मीडियावर निक्की-अरबाज त्यांचे फोटो, व्हिडीओ शेअर करताना दिसतात. नुकताच दिवाळीच्या निमित्ताने त्यांनी शेअर केलेल्या व्हिडीओने नेटकऱ्यांचं लक्ष वेधलं आहे.

 

निक्की-अरबाजने चाहत्यांना दिवाळीच्या हटके अंदाजात शुभेच्छा देत हा व्हिडीओ पोस्ट केल्याचं पाहायला मिळतोय. व्हिडीओमधील त्यांची  केमिस्ट्री नेटकऱ्यांना आवडली आहे.शिवाय त्यांना चाहत्यांकडून त्यांना भरभरून प्रेम मिळतंय. "Glowing hearts and sparkling nights" असं कॅप्शन देत निक्की तांबोळीने इनस्टाग्रामवर हा व्हिडीओ शेअर केला आहे. या व्हिडीओच्या बॅकग्राउंडला सलमान खान आणि सोनम कपूर याचं ‘जलते दिये’ हे गाणं लावलं आहे. या दोघांचा हा व्हिडीओ नेटकऱ्यांच्या पसंतीस पडला आहे.  

निक्की आणि अरबाजच्या या व्हिडीओवर प्रतिक्रिया देत अनेक नेटकरी व्यक्त झाले आहेत. काहींना त्यांनी "अभिनंदन!" म्हणत कमेंट केली आहे तर एका यूजरने "Perfecttttt!" अशी प्रतिक्रिया दिली आहे.